តារាល្បីៗ ត្រៀម Rock ផ្អើលកោះពេជ្រទៀតហើយ countdown ឆ្នាំនេះ!

2018-12-27 10:30:53
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីជោគជ័យផ្ទួនៗ Rock the Nation នឹងមករ៉កនៅទឹកដីកោះពេជ្រជាមួយឈ្មោះដ៏ឡូយគឺ “Rock the New Year Countdown!” ឱ្យសមជាមួយរាត្រីដ៏សប្បាយរីករាយ ដែលយុវវ័យជាច្រើនកំពុងទន្ទឹងរង់ចាំ ស្រែកហ៊ោរកញ្ជ្រៀវអបអរសាទរឆ្លងឆ្នាំថ្មី ២០១៨ ចូល ២០១៩ ។

បើតាមពត៌មានពីលោក លាង ម៉េង អគ្គនាយកក្រុមហ៊ុន ខ្មែរ ប៊ែវើរីជិស បានឱ្យដឹងថា៖ "តារាចម្រៀងដែលនឹងត្រូវមកលោតទន្ទ្រាំឆាកតន្ត្រីដ៏ស្រស់ស្អាតមានទាំងតារាចម្រៀង Original ក្មេងខ្មែរ ឡូរ៉ា ម៉ម ក្រុមតូចSmall World Small Band ក្រុម Mustache Band តារាចម្រៀងពីផលិតកម្មផ្សេងៗរួមមាន កញ្ញា ឱក សុគន្ធកញ្ញា លោក ខេមរៈ សេរីមន្ត ហ្សូណូ បូព្រឹក កែវ សុបញ្ញា កញ្ញា រ៉ាប៊ី អ្នកលេងភ្លេងដ៏ល្បីកញ្ញាឌីជេ អាវីដា និង តារាកិត្តិយសមួយចំនួនទៀត។ គោលបំណងសំខាន់នោះ គឺដើម្បីអបអរសាទរចូលឆ្នាំថ្មីឆ្នាំសកល”។

ការប្រគំតន្ត្រីនេះនឹងបើកឱ្យទស្សនិកជនចូលរួមទស្សនាដោយសេរីចាប់ពីថ្ងៃទី ៣០ ខែធ្នូ តទៅ ហើយក៏មានការចាក់ផ្សាយបន្តបន្តផ្ទាល់ផងដែរនៅលើកញ្ចក់ទូរទស្សន៍បាយ័នព័ត៌មាន ចាប់ពីម៉ោង ៨ ល្ងាចតទៅនៅរាត្រីឆ្លងឆ្នាំថ្ងៃទី ៣១ ធ្នូ រហូតដល់ពាក់កណ្តាលអធ្រាតឯណោះ។”

រីឯលោកម៉ៃឃើល សុវណ្ណ (Michael Sovann) ប្រធានផ្នែករៀបចំកម្មវិធី នៃក្រុមហ៊ុន ខ្មែរ ប៊ែវើរីជិស បានឱ្យដឹងថា៖ "ចង្វាក់ភ្លេងនិង បទចម្រៀងដែលត្រូវយកមកសម្តែងនៅក្នុងកម្មវិធីនេះ គឺនឹងមានលក្ខណៈចម្រុះបែបទាន់សម័យ ទាំងចង្វាក់រ៉ក ចង្វាក់ប្រជាប្រិយបែបមនោសញ្ចេតនា និង បទភ្លេងកន្ត្រាក់អារម្មណ៍បែបក្នុងក្លឹបកម្សាន្ត ហើយក៏នឹងមានការបាញ់កាំជ្រួចអបអរសាទរនៅពាក់កណ្តាលអធ្រាតឆ្លងចូលឆ្នាំ ២០១៩ ផងដែរ"។

ខ្មែរ ប៊ែវើរីជីស (Khmer Beverages) ជាក្រុមហ៊ុនវិនិយោគដោយកូនខ្មែរ ១០០% ហើយក៏ជាក្រុមហ៊ុនបុត្រសម្ព័ន្ធក្រុមហ៊ុន ជីប ម៉ុង ដោយផលិតស្រាបៀរកម្ពុជា ស្រាបៀរអ៊ិចស្ត្រាស្តោត Barrley Black ស្រាបៀរគូដូ (Kudo) ទឹកក្រូច អាយស៍ (IZE) ទឹកផ្លែឈើជូប (Joop) ភេសជ្ជៈប៉ូវកម្លាំងវើក (Wurkz) និងទឹកសុទ្ធកម្ពុជា (Cambodia Water)៕

អត្ថបទ៖ ថា ម៉ាលីដា