ម្ចាស់ពាន The Voice Kids លើកទ័ពនាំយក ទឹកក្រូច IZE ទៅចែកសិស្សជាង ៦០០០ នាក់

2019-01-04 07:13:06
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេល ៥៥ ថ្ងៃ បន្ទាប់ពីកម្មវិធីប្រឡងចម្រៀងកុមារ the Voice Kids រដូវកាលទី ២ ដែលឧបត្ថម្ភផ្តាច់មុខដោយទឹកក្រូច អាយស៍ និង ទឹកបរិសុទ្ធកម្ពុជាបានកន្លងផុតទៅ ម្សិលមិញនេះម្ចាស់ពានកុមារា ទេព ពិសិដ្ឋ រួមជាមួយបេក្ខជនវគ្គផ្តាច់ព្រ័ត្រទាំង ៥ នាក់ បានយកទឹកក្រូចអាយស៍ ទឹកបរិសុទ្ធកម្ពុជា និង សម្ភារៈសិក្សាផ្សេងៗទៅឧបត្ថម្ភជូនសិស្សក្រីក្រនៅសាលាដូង។

មិនតែប៉ុណ្ណោះកាលពីពេលថ្មីៗនេះ ទេព ពិសិដ្ឋ រួមជាមួយបេក្ខជនទាំង ៥ នាក់ទៀត និង ពិធីករ ពិធិការនីទាំង ២ បានបន្តទៅជួបប្រាស្រ័យផ្ទាល់ក្នុងកម្មវិធី IZE Surprise! ជាមួយយុវសិស្សសាលាប្រមាណជាង ៦០០០ នាក់ពីសាលាវិទ្យាល័យចំនួន ៣ ទីតាំងផ្សេងៗគ្នាក្នុងទឹកដីខេត្តកណ្តាលដែលរួមមាន វិទ្យាល័យជ័យវរ្ម័នទី ៧ វិទ្យាល័យដីឥដ្ឋ វិទ្យាល័យព្រែកស្លែង ក្នុងគោលបំណងរួមគ្នានឹងអគ្គនាយក្រុមហ៊ុនខ្មែរ ប៊ែវើរីជិស ផងដែរ។ ជាក់ស្តែងសាលានីមួយៗក៏ទទួលបានការឧបត្ថម្ភទឹកក្រូចអាយស៍ចំនួន ៣០ កេះ បន្ថែមទៀត ពីលោកអគ្គនាយកក្រុមហ៊ុនខ្មែរប៊ែវើរីជិសផងដែរ។

តាមការបញ្ជាក់ពីលោក លាង ម៉េង អគ្គនាយកក្រុមហ៊ុន ខ្មែរ ប៊ែវើរីជីស បានមានប្រសាសន៍ថា៖ “ការជួយទំនុកបម្រុងដល់ម្ចាស់ពាន the Voice Kids រដូវកាលទី ២ កុមារា ទេព ពិសិដ្ឋ និង បេក្ខជនទាំង ៥ នាក់ទៀត រួមទាំងពិធីករ ពិធីការនី ឱ្យបានជួបផ្ទាល់ជាមួយអ្នកគាំទ្ររបស់ពួកគេក្នុងកម្មវិធី IZE Surprise! គឺ ដើម្បីបង្កើតឱកាសឱ្យយុវសិស្សដែលចូលចិត្តទស្សនាកម្មវិធីប្រឡងចម្រៀងកុមារ the Voice Kids និង គាំទ្របេក្ខជនក្នុងរបស់ពួកគេឃើញគ្នាផ្ទាល់ សន្ទនាផ្ទាល់ជាមួយអ្នកគាំទ្រ ថតរូបរួមគ្នា ច្រៀងរួមគ្នាទុកជាអនុស្សាវរីយរវាងអ្នកគាំទ្រ និង បេក្ខជននីមួយៗ និងឱកាសដ៏កម្រក្នុងការជួបផ្ទាល់ជាមួយបុគ្គលល្បីៗ យ៉ាងដូច្នេះ។”

ខ្មែរ ប៊ែវើរីជីស (Khmer Beverages) ជាក្រុមហ៊ុនវិនិយោគដោយកូនខ្មែរ ១០០% ហើយក៏ជាក្រុមហ៊ុនបុត្រសម្ព័ន្ធក្រុមហ៊ុន ជីប ម៉ុង ដោយផលិតស្រាបៀរកម្ពុជា ស្រាបៀរអ៊ិចស្ត្រាស្តោត Barrley Black ស្រាបៀរគូដូ (Kudo) ទឹកក្រូច អាយស៍ (IZE) ទឹកផ្លែឈើជូប (Joop) ភេសជ្ជៈប៉ូវកម្លាំងវើក (Wurkz) និងទឹកសុទ្ធកម្ពុជា (Cambodia Water)៕