គ្រូ Man Utd ប្រាប់កូនក្រុមខ្លួនឲ្យប្រយ័ត្នយុទ្ធសាស្ត្រលេងកាចៗរបស់ Man City
- 2019-04-23 12:22:10
- ចំនួនមតិ 0 | ចំនួនចែករំលែក 0
គ្រូ Man Utd ប្រាប់កូនក្រុមខ្លួនឲ្យប្រយ័ត្នយុទ្ធសាស្ត្រលេងកាចៗរបស់ Man City
ចន្លោះមិនឃើញ
អ្នកចាត់ការក្លឹប Manchester United លោក Ole Gunnar Solskjaer បានលើកឡើងកាលពីពេលថ្មីៗនេះថា ក្លឹប Manchester City អាចនឹងមិនបណ្ដោយឲ្យកូនក្រុមរបស់លោកលេងស្រួលៗទេ ដូច្នេះហើយការប៉ះទង្គិចអាចនឹងកើតឡើង។
លោកបាននិយាយថា៖ " ពួកយើងត្រូវតែត្រៀមនឹងការដាក់សម្ពាធរបស់ពួកគេ (Manchester City)។ យើងត្រូវតែការពារឲ្យបានល្អ ហើយពេលយើងដណ្ដើមបាល់បាន យើងត្រូវតែត្រៀមខ្លួននឹងការលេងកាចៗរបស់ពួកគេ។ ពួកគេអាចនឹងបំបាក់កជើង ជាន់កែង ហើយនិង ទាត់ពួកយើង " ។
លោកបានបន្តថា៖ " ពួកគេមិនបណ្ដោយឲ្យពួកយើងវាយបកងាយៗទេ ដូច្នេះហើយការប៉ះទង្គិចនឹងកើតឡើង " ។
ក្លឹប Manchester United នឹងត្រូវបើកទ្វារកីឡដ្ឋាន Old Trafford ស្វាគមន៍ក្រុមភ្ញៀវអ្នកជិតខាង Manchester City នៅយប់ថ្ងៃពុធ ម៉ោង ២យប់ (ម៉ោងនៅកម្ពុជា)។
ទាំង United និង City សុទ្ធតែត្រូវការឈ្នះរៀងៗខ្លួន ដោយក្លឹប Manchester United ត្រូវការឈ្នះដើម្បីឈរលើ Top 4 ដែលធ្វើឲ្យបានកៅអីទៅលេងនៅ UEFA Champions League រដូវកាលក្រោយ ខណៈក្លឹប Manchester City ត្រូវការឈ្នះដើម្បីពាន Premier League៕
អានបន្ត៖
Man Utd បង្កើតកំណត់ត្រាអាក្រក់មួយ បន្ទាប់ពី Everton លត់ ៤-០
Man Utd ជាប់ជាក្លឹបដែលទទួលបានការផ្ដល់បាល់ប៉េណាល់ទីច្រើនជាងគេក្នុង PL នៅរដូវកាលនេះ
មកស្គាល់មុខកីឡាករតែមួយរូបគត់ដែលលេងឲ្យ ៧ក្លឹប ក្នុង UCL