តារា YouTube ល្បីម្នាក់ ត្រូវគេហែកកេរ្តិ៍ ធ្វើឲ្យចំនួន Sub ធ្លាក់ចុះស្រឺតៗ

2019-05-12 04:22:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំនួន Subscriber របស់តារា YouTube ល្បីឈ្មោះ James Charles បានធ្លាក់ចុះដល់ ១,៥ លាននាក់ ក្នុងពេលត្រឹមតែ ២៤ ម៉ោង ក្រោយពីត្រូវតារា YouTube ម្នាក់ទៀតឈ្មោះ Tati Westbrook ហែកកេរ្តិ៍ជាសាធារណៈលើបណ្ដាញ YouTube ផ្ទាល់តែម្ដង។

James Charles

អ្នកទាំងពីររូបត្រូវបានស្គាល់ថាជា YouTuber ដែលបង្កើតវីដេអូបង្រៀនអំពីការផាត់មុខ ដោយវីដេអូនីមួយៗមានចំនួនទស្សនាច្រើនសន្ធឹក។ កាលពីមិនទាន់កើតមានរឿងរ៉ាវនេះ គណនីរបស់ James Charles មាន Subscriber ដល់ខ្ទង់ ១៦ លាននាក់ និង Tati Westbrook មានប្រមាណ ៥ លាននាក់។

Tati Westbrook

Tati បានបញ្ចេញវីដេអូមួយដែលមានរយៈពេលដល់ ៤៣ នាទី ដែលមានចំណងជើង "Bye Sister” និយាយអំពីអត្តចរិត និងទង្វើមិនល្អដូចជាក្បត់មិត្តភ័ក្ដិរបស់ James រហូតធ្វើឲ្យនាងសម្រេចកាត់ផ្ដាច់ទំនាក់ទំនងជាមួយ James។

ក្រោយពី Tati បញ្ចេញវីដេអូនេះ James ក៏បានបង្ហោះវីដេអូឆ្លើយតបភ្លាមៗ ដើម្បីធ្វើការសុំទោសជាសាធារណៈ ប៉ុន្តែទទួលបានការរិះគន់ច្រើនសន្លឹក និងបានធ្វើឲ្យចំនួន Subscriber របស់ខ្លួនធ្លាក់ចុះយ៉ាងគំហុកផងដែរ។

គិតចាប់តាំងពីថ្ងៃសុក្រ (ពេលវីដេអូហែកកេរ្តិ៍បានបញ្ចេញ) ដល់ថ្ងៃសៅរ៍ម្សិលមិញនេះ ចំនួន Subscriber របស់ James បានធ្លាក់ចុះប្រមាណ ១,៧ លាននាក់។ ចំណែកឯ Tati វិញមានកំណើន Subscriber ប្រមាណ ១,៧ លាននាក់ផងដែរ។

ក្រៅពីថយចុះចំនួន Subscriber ហើយ James Charles ក៏ត្រូវតារាល្បីៗជាច្រើនរូបធ្វើការ Unfollow លើបណ្ដាញសង្គម ក្នុងនោះរួមមាន Kylie Jenner, Shawn Mandes, Katy Perry, Iggy Azalea និង Miley Cyrus ជាដើម៕

អត្ថបទ៖ សុខហេង