ឆុតណាស់! ចង់ដឹងខ្លួនឯងមានអត្ដចរិតបែបណា? សាករើសស្លឹកឈើមួយ ហើយមើលចម្លើយ

2019-05-29 03:23:26
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សគ្រប់រូបសុទ្ធតែមានចំណង់ចំណូលចិត្តរៀងខ្លួន។ ចិត្តវិទូជឿជាក់ថា ក្រោមការជ្រើសរើសស្លឹកមួយក្នុងចំណោមស្លឹកទាំង៥ខាងក្រោម អាចទាយដឹងពីអត្តចរិតរបស់អ្នកបាន។ សូមជ្រើសយកស្លឹកមួយក្នុងចំណោមស្លឹកទាំង៥ ហើយមើលពីអត្តចរិតរបស់អ្នកខាងក្រោម។

ស្លឹកទី១៖

អ្នកជាមនុស្សក្លាហាន និងមិនក្រែងនឹងបង្ហាញនូវចរិតពិតរបស់ខ្លួនចេញក្រៅឲ្យអ្នកដទៃបានដឹង។ អ្នកមិនខ្វល់ពីមតិវាយតម្លៃរបស់អ្នកដទៃ តែផ្ដោតលើតែរឿងដែលធ្វើឲ្យខ្លួនមានសេចក្ដីសុខ។ អ្នកហ៊ានប្រឈមនឹងការប្រជែង។ គ្មានទេរឿងដែលអ្នកកែប្រែខ្លួនឯងដើម្បីធ្វើឲ្យអ្នកដទៃពេញចិត្តនោះទេ។ អ្នកជាប្រភេទមនុស្សដែលរស់នៅដើម្បីខ្លួនឯង ហើយខ្លួនឯងគឺសំខាន់ជាងគេ។

ស្លឹកទី២៖

អ្នកជាមនុស្សឯករាជ្យ និងជាក់ស្ដែង។ អ្នករស់នៅដោយមានគោលដៅច្បាស់លាស់ ហើយដឹងថាខ្លួនត្រូវធ្វើអ្វីដើម្បីយកវាបាន។ អ្នកដឹងច្បាស់ថា អ្នកកំពុងឈរត្រង់ណានៅក្នុងសង្គម សមត្ថភាពខ្លួននៅត្រឹមណា។ អ្នកហ៊ានលះបង់ដើម្បីមនុស្សសំខាន់នៅក្នុងជីវិតរបស់ខ្លួន។ អ្នកមិនធ្វើអ្វីដែលមនុស្សភាគច្រើនធ្វើ តែធ្វើនូវអ្វីដែលខ្លួនស្រលាញ់ច្រើនជាង។

ស្លឹកទី៣៖

អ្នកជាមនុស្សឆ្លាត និងចេះបត់បែនតាមកាលៈទេសៈ។ អ្នកអាចដោះស្រាយបញ្ហាបានយ៉ាងលឿន និងងាយស្រួល។ អ្នកក៏ជាមនុស្សមានមនោសញ្ចេតនាជ្រាលជ្រៅ និងពូកែសង្កេត។ អ្នកតែងប្រែការគិតរបស់ខ្លួនទៅក្លាយជាការពិត។ ដោយសារដូចនេះ អ្នកដទៃតែងទៅរកអ្នកពេលត្រូវដំបូន្មាន។

ស្លឹកទី៤៖

អ្នកជាមនុស្សធម្មតា និងមានចិត្តស្ងប់។ អ្នកមិនដែលខឹងច្រឡោតដោយគ្មានហេតុផល ឬតាមតែចិត្តនោះទេ។ អ្នកមានការគិតវិជ្ជមាន ដែលធ្វើឲ្យអ្នកតែងរីករាយជានិច្ច។ បើជួបភាពលំបាក អ្នកតែងដោះស្រាយវាបន្តិចម្ដងៗ ដោយស្ងប់ស្ងាត់ ហើយបញ្ហាក៏ត្រូវបញ្ចប់។ រឿងនេះធ្វើឲ្យអ្នកអាចដោះស្រាយបញ្ហាបានច្បាស់លាស់។

ស្លឹកទី៥៖

អ្នកជាមនុស្សពូកែឆ្ងល់ និងចង់ចេះដឹងច្រើន។ អ្នកចូលចិត្តសាកអ្វីដែលថ្មីៗ ហើយស្អប់ភាពច្រំដែល។ អ្នកតែងចង់ប្រជែងនឹងខ្លួនឯងជានិច្ច។ អ្នកមានភាពស្រមើស្រមៃ និងច្នៃប្រឌិតខ្ពស់បំផុត។ អ្នកមិនចូលចិត្ត អ្វីដែលចងខ្លួន ឬគាបសង្កត់ឡើយ ហើយចូលចិត្តធ្វើអ្វីដែលខ្លួនចូលចិត្ត។ អ្នកស្អប់ការលាក់អារម្មណ៍ពិតខ្លួនឯង៕

ប្រភព៖ Kanha ប្រែសម្រួល ៖ Caramel