Samsung បានលុយ ៧៦៥ លានដុល្លារពី Apple ដោយគ្មានហូរញើសមួយតក់
- 2019-07-15 02:23:24
- ចំនួនមតិ 0 | ចំនួនចែករំលែក 0
Samsung បានលុយ ៧៦៥ លានដុល្លារពី Apple ដោយគ្មានហូរញើសមួយតក់
ចន្លោះមិនឃើញ
Apple ត្រូវបានគេជឿជាក់ថាបានចុះកុងត្រាទិញអេក្រង់ OLED ចំនួន ១០០ លានបន្ទះពី Samsung សម្រាប់បំពាក់លើ iPhone ស៊េរីខ្ពស់ៗរបស់ខ្លួន ដោយមានតម្លៃ ៧០ ដុល្លារក្នុងមួយបន្ទះ ជាគ្រឿងបន្លាស់ថ្លៃជាងគេលើ iPhone។
Apple រំពឹងថាបច្ចេកវិទ្យា FaceID នឹងជួយឲ្យ iPhone X លក់ដាច់បានច្រើន ទោះបីជាវាមានតម្លៃថ្លៃដល់ខ្ទង់ពាន់ដុល្លារក្ដី។ ២ ឆ្នាំក្រោយមក មិនត្រឹមតែ iPhone X នោះទេ ប៉ុន្តែ iPhone XS ក៏ទទួលបានលទ្ធផលលក់ខុសពីការរំពឹងទុកផងដែរ។
Samsung បានសាងសង់សង្វាក់ផលិតកម្មផ្ដាច់មុខមួយសម្រាប់ផលិតអេក្រង់ OLED ឲ្យ Apple ប៉ុន្តែចំនួនលក់ iPhone ធ្លាក់ចុះ ធ្វើឲ្យតួលេខនៃអេក្រង់ដែលបានកុម្ម៉ង់ មិនគ្រប់ចំនួនដូចមានចុះក្នុងកុងត្រា។
ប៉ុន្តែ Samsung មានមេធាវីខ្លាំងផ្នែកកុងត្រា ដែលអាចទទួលបានសំណងក្នុងករណីកុម្ម៉ង់មិនគ្រប់ចំនួននេះ។ សារព័ត៌មានកូរ៉េបានរាយការណ៍ថាចំណូលចំនួន ៩០០ ពាន់លានវ៉ុន (ស្មើប្រមាណ ៧៦៥,៥ លានដុល្លារ) ដែលលេចមុខនៅក្នុងរបាយការណ៍ហិរញ្ញវត្ថុរបស់ Samsung Display ច្បាស់ណាស់គឺជាសំណងដែល Apple ផ្ដល់ឲ្យ Samsung សម្រាប់ករណីកុម្ម៉ង់មិនគ្រប់ចំនួន។
នេះអាចចាត់ទុកថាជាចំណូលរកបានដោយងាយស្រួលមួយ ហើយស្របពេលដែលចំណូលរបស់ Samsung Display បានធ្លាក់ចុះពី ៤,៩ ពាន់លានដុល្លារ (ឆ្នាំ ២០១៨) នៅត្រឹម ២,៣ ពាន់លានដុល្លារ (២០១៩)៕
ចុចអាន៖