ដឹងមូលហេតុរដ្ឋមន្រ្តីក្រសួងសាធារណការ សម្រេចចិត្តជិះកង់ត្រួតពិនិត្យផ្លូវ (មានវីដេអូ)
- 2019-07-24 03:12:34
- ចំនួនមតិ 0 | ចំនួនចែករំលែក 0
ដឹងមូលហេតុរដ្ឋមន្រ្តីក្រសួងសាធារណការ សម្រេចចិត្តជិះកង់ត្រួតពិនិត្យផ្លូវ (មានវីដេអូ)
ចន្លោះមិនឃើញ
“បើជិះឡានមើលមិនឃើញផ្លូវខូចឡើយ។ ខ្ញុំមិនមែនធ្វើអ្វីឲ្យប្លែកពីគេទេ បើជិះឡានលឿនពេកមើលមិនឃើញផ្លូវបែកឡើយ ជិះកង់ ឬដើរ ទើបឃើញច្បាស់"។ នេះជាប្រសាសន៍របស់ ឯកឧត្ដម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ដែលបានដឹកនាំក្រុមការងារជិះកង់ត្រួតពិនិត្យផ្លូវជាតិលេខ ៧ ក្នុងខេត្តត្បូងឃ្មុំ។
ការលើកឡើងរបស់ឯកឧត្ដមក៏ជាសារមួយឆ្លើយតបទៅនឹងមហាជនមួយចំនួនដែលបានរិះគន់ថា ជិះកង់បានប៉ុន្មានគីឡូ ដោយធ្វើអ្វីប្លែកៗ ហើយលទ្ធផលគឺសេរ៉ូ ធ្វើផ្លូវដាក់លូ ធ្វើលូធ្វើផ្លូវ ជាដើម។
ការជិះកង់ត្រួតពិនិត្យផ្លូវរបស់ រដ្ឋមន្ត្រីក្រសួងសាធារណការនេះ មិនមែនជាលើកទី១ទេ កន្លងមកក៏ធ្លាប់ធ្វើដែរ ដោយបានជិះកង់ពិនិត្យឃើញផ្លូវដែរខូច និងមានការបាញ់សម្គាល់ដើម្បីធ្វើការជួសជុលកែលម្អ។
តាមរយៈវីដេអូដែលបាន ផ្សាយផ្ទាល់តាមផេកផ្លូវការរបស់ក្រសួងសាធារណការនិងដឹកជញ្ជូន បានឲ្យដឹងថា ឯកឧត្ដម ស៊ុនចាន់ថុល បានជិះកង់ត្រួតពិនិត្យផ្លូវ នៅព្រឹកថ្ងៃទី ២៤ ខែកក្កដា ឆ្នាំ ២០១៩នេះ គឺចម្ងាយ ១០គីឡូម៉ែត្រ ចាប់ពីចំណុចបង្គោល គីឡូម៉ែត្រ (គ.ម) ១៧៦-១៦៦ ខេត្តត្បូងឃ្មុំ ដើម្បីពិនិត្យគុណភាព និងស្ថានភាពផ្លូវ គម្រោង RAMP II ដែលកំពុងដំណើរការស្ថាបនាឡើងវិញ ពង្រីកពី ៧ម ទៅជា ១១ម ក្រាលបេតុងកៅស៊ូ ១១ម។
"ក្រោយពីជិះកង់ត្រួតពិនិត្យឃើញថា ស្ថានភាពផ្លូវសាងសង់មិនបានត្រឹមត្រូវតាមបច្ចេកទេស"។ នេះជាការលើកឡើងរបស់ រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្ដម ស៊ុន ចាន់ថុល៕
សូមទស្សនាវីដេអូ នៃការផ្សាយផ្ទាល់