វង្ស ណយ និងថៃ ប្រើពេលត្រឹម១ទឹកប៉ុណ្ណោះសន្លប់បាត់

2019-08-19 06:03:16
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីខាងប្រើកែង វង្ស ណយ ប្រើពេលត្រឹម១ទឹកប៉ុណ្ណោះ គឺបញ្ចប់ការប្រកួតបាត់ទៅហើយ ដោយសារអ្នកលេងគុនខ្មែររូបនេះភ្លាត់ស្នៀតត្រូវកីឡាករថៃ ទាត់ផ្កាប់ចានចូលកញ្ចឹងកបោះបង់ការប្រកួតត្រឹមនេះតែម្ដង។

កីឡាករ វង្ស ណយ

កូននាគមកពីខេត្តប៉ៃលិនរូបនេះ ធ្វើបានល្អនៅដើមទឹកដំបូង ដោយចេញកណ្ដាប់ដៃច្រើនគួរសមទៅលើកីឡាករថៃ និងមានស្នៀតទាត់ជើងក្រោមខ្លះៗទៀតផង។ ចំណែកអ្នកលេងគុនថៃ Kwan Ek គឺថយៗហើយទប់ពីការវ៉ៃរបស់ វង្ស ណយ។

ការប្រកួតឈានដល់ជាងពាក់កណ្ដាលទឹកទី១ ការដើរចូលវ៉ៃរបស់ វង្ស ណយ ទៅលើកីឡាករថៃ ហាក់ភ្លេចខ្លួន ក៏ត្រូវ Kwan Ek ឆ្មក់ទាត់ផ្កាប់ចានជើងស្ដាំចូលកពេញតែម្ដង ធ្វើអ្នកលេងគុនខ្មែររូបនេះដួលត្រូវអាជ្ញាកណ្ដាលរាប់ដល់៨ ហើយនៅតែមានស្មារតីមិននិងនរទៀតនោះ ក៏បញ្ឈប់ការប្រកួតចុងទឹកទី១នេះទៅ។

កីឡាករថៃ Kwan Ek

រំលឹកដែរថា កីឡាករគុនខ្មែរ វង្ស ណយ សន្លប់ក្នុងទឹកទី១ ដោយសារកីឡាករថៃ Kwan Ek នាជំនួបមិត្តភាពអន្តរជាតិលើសង្វៀន TV5 កាលពីថ្ងៃសៅរ៍ ទី១៧ ខែសីហា ឆ្នាំ២០១៩ កន្លងទៅសប្ដាហ៍មុននេះ៕

វិដេអូប្រកួត៖