សេរីវណ្ណថង៖ ខ្ញុំដឹងថា អេ សាន់ គេអាវុធធ្ងន់ និងកម្លាំង ប៉ុន្តែខ្ញុំត្រៀមរួចហើយ

2019-09-20 04:32:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងវ័យក្មេងមកពីបាត់ដំបង ឈិត សេរីវណ្ណថង ថារូបគេបានដឹងពីសមត្ថភាពរបស់ អេ លីតសាន់ ច្បាស់គឺចេញធ្ងន់ និងពោពេញដោយកម្លាំង ប៉ុន្តែខ្លួនបានត្រៀមរួចហើយសម្រាប់ការប្រកួតដណ្ដើមពានរង្វាន់ ម៉ា សេរី ថ្ងៃសៅរ៍នេះ។(រូបភាពក្របខាងក្រៅរបស់ Sport Zone)

ឈិត សេរីវណ្ណថង និងឪពុក

កូនប្រុសលោក ឈុត សេរី រូបនេះបានឲ្យដឹងថា បានហ្វឹកហាត់ត្រៀមតាំងតែពីប្រកួតចប់ជាមួយ ទួន ប៉េ មកម្ល៉េះ ដើម្បីបង្កើនបច្ចេកទេសក៏ដូចជាកម្លាំង សម្រាប់ការប៉ះគ្នាវគ្គសំខាន់ដណ្ដើមពានប្រចាំរង្វាន់ ម៉ា សេរី ប្រចាំឆ្នាំ ២០១៩នេះ។ អ្នកលេងគុនខ្មែររូបនេះ ប្រាប់ទៀតថាសប្បាយចិត្តដែលបានខាងអ្នករៀបចំកម្មវិធី ជ្រើសរើសខ្លួនឲ្យប្រកួតដណ្ដើមពានមួយនេះ។

សេរីវណ្ណថង បន្ថែមទៀតថា ចំពោះសមត្ថភាពដៃគូដែលត្រូវប៉ះគ្នាលើកនេះ គេល្អ និងយល់ស្របដូចម្ចាស់ខ្លួនគេបានលើកឡើងអញ្ចឹងថា«មានកម្លាំងខ្លាំងជាង អាវុធធ្ងន់ជាង»។ យ៉ាងណាមិញជើងខ្លាំងមកពីបាត់ដំបងខាងលើនេះ បញ្ជាក់ថាបានហ្វឹកហាត់ត្រៀមទប់ទល់រួចហើយ ខ្លួននឹងវ៉ៃតាមបច្ចេកទេសដែលត្រៀម។ សម្រាប់ការប្រកួតនេះ ម្ចាស់ពានរង្វាន់ ISI រូបនេះសង្ឃឹមទទួលបានជ័យជម្នះ ៦០%លើ អេលីត សាន់ ហើយយ៉ាងណានឹងខំប្រឹងប្រកួតឲ្យអស់ពីសមត្ថភាព។

អេលីត សាន់(ក្រហម)

រំលឹកដែរថា កីឡាករ ឈិត សេរីវណ្ណថង នឹងត្រូវប៉ះគ្នាជាមួយ អេលីត សាន់ ថ្ងៃសៅរ៍ ទី២១ ខែកញ្ញា ២០១៩ នេះនៅសង្វៀន CNC ដណ្ដើមពានរង្វាន់លោកគ្រូ ម៉ា សេរី។ អ្នកទទួលបានជ័យជម្នះនឹងបានប្រាក់រង្វាន់ ៤លានរៀល៕

អត្ថបទ៖ នួន ស៊ីណា