Rose ក្រុម BlackPink រក្សារាងស្អាតដោយទំពាអាហារយឺតៗ តែបើដឹង៣ តិចនិកទៀត កាន់តែភ្ញាក់ផ្អើល

2019-12-02 03:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Rose ធ្លាប់បានបង្ហើបថាចង្កេះរបស់នាងត្រឹម ៦០ cm ប៉ុណ្ណោះ តែអ្នកគំាំទ្រជឿថាតារាចម្រៀងក្រុម BlackPink រូបនេះទំនងជាមានលេខចង្កេះតូចជាងនេះ ព្រោះ idol តែងបង្ហាញរាងនូវចង្កេះតូចមួយក្ដាប់ គួរឲ្យច្រណែន។ ចង្កេះអង្ក្រង Rose ធ្វើឲ្យមនុស្សជាច្រើនចង់ដឹងពីគន្លឹះនេះយ៉ាងខ្លាំង។ លើសពីនេះ ចំណុចចុងក្រោយ សមាជិកក្រុមតារាចម្រៀងស្រីកូរ៉េល្បីល្បាញ បានបង្ហើបពីតិចនិករក្សាស្បែកមុខរបស់នាងផងដែរ។

១. បន្ថែមបន្លែបៃតងក្នុងរបបអាហារប្រចាំថ្ងៃ

ក្នុងកិច្ចសម្ភាស Jennie ចែករំលែកថា សមាជិកក្រុមត្រូវសម្រកទម្ងន់ប៉ុន្តែមិនសូវតឹងតែងពេកទេ។ ពួកគេទទួលទានអាហារ ៣ពេលប្រចាំថ្ងៃ ហើយពេលខ្លះថែមទាំងញ៉ាំនំចំណីបន្ថែមថែមទៀត។ ប៉ុន្តែគ្រប់ពេលញ៉ាំតែងមានបន្លែ ហើយ Rose វិញចូលចិត្តញ៉ាំការ៉ុត និងម្ទេសហាវ៉ៃ។

២. ទំពាអាហារឲ្យបានយូរ និងប្រុងប្រយ័ត្ន

បើអ្នកធ្លាប់មើលកម្មវិធីថតរបស់ BlackPink អ្នកច្បាស់ជាកត់សម្គាល់ថា Rose ចំណាយពេលទំពាអាហារម្ដងៗយូ និងយឺតៗ។ នេះក៏ជាវិធីយ៉ាងមានប្រសិទ្ធភាពក្នុងការសម្រកទម្ងន់ដែរ ព្រោះធ្វើឲ្យអ្នកហូបតិចតែឆ្អែតបានយូរ។ ក្នុងរបបអាហារម្ដង BlackPink ចំណាយយ៉ាងហោចណាស់ក៏ ២០ -៣០ នាទីដែរ ។

៣. ហាត់ប្រាណ

Rose បានជ្រើសរើសការហាត់ម្យ៉ាងហៅថា Pilates ដែលតម្រូវឲ្យលើកជើងម្ខាងឡើងលើប្រហែលកន្លះម៉ោង ដែលនាងបានហាត់អស់ពេលយូរណាស់មកហើយ។ ទោះជារវល់យ៉ាងណា ក៏ Rose នៅតែឆ្លៀតហាត់ Pilates ដែរ ដោយអនុវត្តហាត់ ២ដង ក្នុងមួយថ្ងៃ ដើម្បីទទួលបានសុខភាព និងរាងស្អាត។ យុទ្ធសាស្ត្រនេះនឹងជួយឲ្យចង្កេះតូចស្អាត គ្មានក្បាលពោះ និងខ្នងត្រង់។

៤. លាងសម្អាតមុខត្រឹមត្រូវ

ក្នុងកម្មវិធី " Choi Hwa Jung's Power Time” របស់ SBS សមាជិក BlackPink រូបនេះ បានបង្ហើបតិចនិកពីអាថ៌កំបាំងសម្រស់របស់នាងថា ៖ ការយកចិត្តទុកដាក់បំផុតលើការថែទាំស្បែក គឺលាងសម្អាតផ្ទៃមុខឲ្យបានស្អាតបំផុត មុនចូលគេង។ Rose លាងមុខដោយប្រុងប្រយ័ត្ន ដើម្បីជម្រះគ្រឿងសម្អាងចេញឲ្យអស់ និងគុណសម្បត្តិមួយទៀត ជួយឲ្យស្បែកស្រស់ថ្លា ងាយស្រូបវីតាមីនពីផលិតផលថែសម្រស់ចូលស្បែកមុខបានល្អ៕