ម្ចាស់មេដាយសំរិទ្ធកីឡាឆ្នេរខ្សាច់អាស៊ី ស្រក់ទឹកភ្នែកពេលមកដល់កម្ពុជា

2014-11-19 17:38:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីជម្រើសជាតិកម្ពុជា នី សំណាង ម្ចាស់មេដាយសំរឹទ្ធកីឡាចំបាប់ទម្ងន់ ៦០ គីឡូក្រាមមកពីព្រឹត្តិការណ៍កីឡាឆ្នេរខ្សាច់អាស៊ី (Asian Beach Games) លើកទី៤ នៅប្រទេសថៃ បានស្រក់ទឹកភ្នែកក្រោយពេលនាំមេដាយមកដល់អាកាសយានដ្ឋានអន្តរជាតិភ្នំពេញ នាល្ងាចថ្ងៃទី ១៨ វិច្ឆិកា ម្សិលមិញនេះ។

ក្រុមចំបាប់ មកដល់ព្រលានយន្តហោះអន្តរជាតិភ្នំពេញ កាលពីយប់មិញ

នាងបានប្រាប់អ្នកសារព័ត៌មានថា មូលហេតុដែលបណ្ដាឱ្យស្រក់ទឹកភ្នែកទាំងមិនដឹងខ្លួនព្រោះដោយសារតែថ្នាក់ដឹកនាំកំពូលរបស់គណៈកម្មាធិការជាតិអូឡាំពិកកម្ពុជា ឯកឧត្តម ថោង ខុន និង មន្រ្តីរបស់ក្រសួងអប់រំយុវជននិងកីឡា ជាច្រើនរូបបានទៅទទួលដល់ប្រលានយន្តហោះ។ «ខ្ញុំរំភើបចិត្តខ្លាំងណាស់ និ ពិតជាមានមោទនភាព ដែលថ្នាក់ដឹកនាំជាច្រើនបានមកទទួលខ្ញុំ»។ នី សំណាង បញ្ជាក់។

Asian Beach Games 2014 រៀបចំនៅខេត្តភូកេត ប្រទេសថៃ ចាប់ពីថ្ងៃទី ១៤ ដល់ ២៣ វិច្ឆិកា ឆ្នាំ ២០១៤ ដោយដាក់វិញ្ញាសា ១៦៩ ប្រភេទ ក្នុងចំណោម ២៦ កីឡាផ្សេងគ្នាឱ្យប្រកួតប្រជែង ស្របពេលកីឡាចំបាប់ប្រកួតពីថ្ងៃទី ១៥ ដល់ ១៧ វិច្ឆិកា។ សម្រាប់កម្ពុជា បានបញ្ជូនអត្តពលិកចំនួន ៨ នាក់លើប្រភេទវិញ្ញាសា ចំបាប់, បាល់ទះលើឆ្នេរខ្សាច់ និង Foot-Volley៕

ខាងក្រោមជាវីដេអូក្រុមកីឡាចំបាប់ មាតុភូមិនិវត្តិន៍៖ http://youtu.be/INurKi6ISNE

អត្ថបទ៖ ម៉ឺន រស្មី