Bale ជាកីឡាករធ្វើឱ្យ Real Madrid ឈឺក្បាលនារដូវក្ដៅខាងមុខ
- 2020-03-18 04:11:46
- ចំនួនមតិ 0 | ចំនួនចែករំលែក 0
Bale ជាកីឡាករធ្វើឱ្យ Real Madrid ឈឺក្បាលនារដូវក្ដៅខាងមុខ
ចន្លោះមិនឃើញ
បើទោះបីសកម្មភាពបាល់ទាត់ត្រូវបានផ្អាកក្នុងប្រទេសអេស្ប៉ាញ ប៉ុន្តែ Real Madrid បានរៀបចំគម្រោងរួចជាស្រេចក្នុងរដូវក្ដៅខាងមុខ ហើយការចាកចេញរបស់ Real Madrid គឺជារឿងឈឺក្បាលដ៏ធំដែលក្រុមស្ដេចសត្រូវដោះស្រាយ។
បើផ្អែកតាមសារព័ត៌មាន Marca ក្លឹបយក្ស Real Madrid នឹងមិនទុកខ្សែប្រយុទ្ធវែលទៀតឡើយ នៅរដូវកាលក្រោយ ប៉ុន្តែការចាកចេញរបស់គេ នឹងធ្វើឱ្យក្លឹបស្មុគស្មាញ។ ប្រភពបន្ថែម Real Madrid បានផ្ដល់ឱកាសគ្រប់គ្រាន់ ដើម្បីឱ្យ Bale ក៏សាងស្នាដៃ ប៉ុន្តែរូបគេមិនអាចធ្វើបាន។
ក្រោយការចាកចេញរបស់ Cristiano Ronaldo ក្នុងឆ្នាំ២០១៨ ខ្សែប្រយុទ្ធជម្រើសជាតិវែល ត្រូវបានគេរំពឹងនឹងអាចជំនួសកន្លែងខ្សែប្រយុទ្ធព័រទុយហ្គាល់បាន ប៉ុន្តែគេមិនអាចធ្វើបាន ដោយឱ្យដំណែងនេះធ្លាក់លើកីឡាករវ័យក្មេង Vinicius Junior។
អតីតកីឡាករ Spurs អាក់ខានរកគ្រាប់បាល់ក្នុង League អេស្ប៉ាញ ចាប់តាំងពីខែកញ្ញាមកម្ល៉េះ ខណៈរដូវកាលនេះ រកបានតែ២គ្រាប់ប៉ុណ្ណោះ។ រូបគេបានចូលរួមក្នុង ១៨ប្រកួត ប៉ុន្តែលេងបានតែ៣ប្រកួតប៉ុណ្ណោះ ក្នុងឆ្នាំ២០២០នេះ។
អ្វីជាបញ្ហារបស់ Real Madrid គឺថាកុងត្រារបស់ Bale បញ្ចប់នៅឆ្នាំ២០២២ឯណោះ។ យ៉ាងណាលោក Jonathan Barneth ភ្នាក់ងាររបស់ Bale បានអះអាង ខ្សែប្រយុទ្ធវិវឌ្ឍមកពីខ្សែការពាររូបនេះ ពេញចិត្តជីវិតនៅក្រុមស្ដេចស និងមិនចង់ចាកចេញពីក្លឹបឡើយ។
បើតាមសារព័ត៌មាន Macar ដដែល Real Madrid នឹងឱ្យ Bale ចេញដោយ Free Tranfer ព្រោះគ្មានក្លឹបអឺរ៉ុបណា អាចរ៉ាប់រងប្រាក់ខែរូបគេបានឡើយ។ កាលពីមុន Bale បានយល់ព្រមទៅប្រទេសចិន ព្រោះរូបគេអាចនឹងរកបាន ២៥លានអឺរ៉ូ ប៉ុន្តែខាងភាគីចិន បានស្នើនូវចំនួនប្រាប់ខែកំណត់មួយ ដែលបញ្ជាក់ប្រទេសអាស៊ានមួយនេះ មិនអាចធ្វើទៅរួច។
Gareth Bale អាចទៅលេងនៅ Premier League ឬអាមេរិក ប៉ុន្តែ Real Madrid បានបញ្ជាក់យ៉ាងច្បាស់ ពួកគេមិនអាចទ្រទ្រង់តម្រូវការហិរញ្ញវត្ថុរបស់ Bale បានយូរអង្វែងឡើយ៕