Ronaldo អាចនឹងត្រលប់ទៅលេងនៅ Real Madrid វិញរដូវកាលក្រោយ
- 2020-04-08 01:59:19
- ចំនួនមតិ 0 | ចំនួនចែករំលែក 0
Ronaldo អាចនឹងត្រលប់ទៅលេងនៅ Real Madrid វិញរដូវកាលក្រោយ
ចន្លោះមិនឃើញ
ខ្សែប្រយុទ្ធ Cristiano Ronaldo អាចនឹងត្រូវត្រលប់ទៅលេងនៅក្រុម Real Madrid វិញនៅរដូវកាលក្រោយ បន្ទាប់ពីក្លឹប Juventus កំពុងជួបបញ្ហាហិរញ្ញវត្ថុខ្លាំង។
ដោយសារតែវិបត្តិ Covid-19 នៅប្រទេសអ៊ីតាលី បានធ្វើឱ្យក្លឹបបាល់ទាត់ជាច្រើនរួមទាំង Juventus ផង កំពុងជួបវិបត្តិហិរញ្ញវត្ថុហើយ ព្រោះមិនមានការប្រកួតនោះទេ។ កត្តានេះហើយ អាចនឹងធ្វើឱ្យក្លឹបសេះបង្កង់នេះត្រូវលក់ចេញកីឡាករខ្លះហើយ ដើម្បីទទួលបានប្រាក់ខ្លះមកវិញ ស្រោចស្រង់ក្លឹប។
ប្រភពនៅអ៊ីតាលី បានបង្ហើបថា Juventus អាចនឹងលក់ Ronaldo ឱ្យទៅ Real Madrid វិញហើយ ក្នុងតម្លៃខ្លួន៥០លានផោន។ ស្របពេលដែលក្រុមរបស់លោក Zidane ផ្ទាល់វិញ ក៏ចង់បានកីឡាករវ័យជ្រេ តែលេងនៅល្អនេះទៅវិញផងដែរ។ តម្លៃត្រឹម៥០លានផោននេះ គឺល្មមសម្រាប់ក្រុម Real Madrid ដើម្បីនាំវីរបុរសរបស់ខ្លួនត្រលប់ទៅវិញហើយ។
រំលឹកថា កីឡាករវ័យ៣៥ឆ្នាំនេះខាងលើជាខ្សែប្រយុទ្ធដែលមានប្រាក់ឈ្នួលខ្ពស់ជាងគេនៅលីគកំពូលអ៊ីតាលី។ កុងត្រារបស់គេមានដល់ឆ្នាំ២០២២ ដោយក្នុង១រដូវកាលនៅក្រុម Juventus ទទួលបានប្រាក់ឈ្នួល២៧,៥លានផោន៕