ABA ផ្តល់កម្ចីការប្រាក់ទាបទ្រទ្រង់អាជីវកម្មខ្នាតតូច និងមធ្យម សម្រាប់ឆ្នាំ២០២០ នេះ
- 2020-05-04 05:37:44
- ចំនួនមតិ 0 | ចំនួនចែករំលែក 0
ABA ផ្តល់កម្ចីការប្រាក់ទាបទ្រទ្រង់អាជីវកម្មខ្នាតតូច និងមធ្យម សម្រាប់ឆ្នាំ២០២០ នេះ
ចន្លោះមិនឃើញ
ធនាគារ ABA ជាធនាគារពាណិជ្ជធំបំផុតទីបីនៅកម្ពុជា និងជាបុត្រសម្ពន្ធនៃធនាគារជាតិកាណាដា បានចូលរួមក្នុងគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម ឆ្នាំ 2020 (SCFS) ដែលជាគំនិតផ្តួចផ្តើមរបស់រាជរដ្ឋាភិបាលកម្ពុជាក្នុងគោលបំណងផ្តល់កម្ចីដែលមានការប្រាក់ទាបដើម្បីទ្រទ្រង់សហគ្រាសធុនតូច និងមធ្យម នៅក្នុងប្រទេស។
នេះជាដំណឹងដ៏ល្អមួយព្រោះថា ABA ផ្តល់កម្ចីដល់សហគ្រាសធុនតូច និងមធ្យម សម្រាប់ចំណាយដើមទុនរបស់ពួកគេ (រហូតដល់ 300,000 ដុល្លារ) និងដើមទុនបង្វិល (រហូតដល់ 200,000 ដុល្លារ) ដោយមានអត្រាការប្រាក់ពិសេសត្រឹមតែ 7% ក្នុងមួយឆ្នាំ និងសម្រាប់រយៈពេលរហូតដល់ ៤៨ ខែ។
ដើម្បីមានលក្ខណៈពេញសិទ្ធិសម្រាប់កម្ចីក្រោមគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម (SCFS) នេះ សហគ្រាសធុនតូច និងមធ្យម ត្រូវតែបំពេញតាមលក្ខណៈវិនិច្ឆ័យ ដែលកំណត់ដោយក្រសួងសេដ្ឋកិច្ច និងហិរញ្ញវត្ថុ និងលក្ខខណ្ឌតម្រូវនៃលក្ខណៈពេញសិទ្ធិរបស់កម្ចីនៃគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យមរបស់ធនាគារ ABA។ សម្រាប់ព័ត៌មានសម្អិត និងលក្ខខណ្ឌនានា សូមចូលទៅកាន់ទំព័រព័ត៌មានរបស់ ABA តាមរយៈវេបសាយ www.ababank.com៕