ប្រធានក្លឹបប្រដាល់ Mr Ly៖ លី រិទ្ធី សមត្ថភាពកើនឡើងដោយសារប្រកាន់ភ្ជាប់ការហ្វឹកហាត់

2020-05-12 08:33:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្លឹបប្រដាល់ Mr Ly គុនខ្មែរ នៅឯខេត្តសៀមរាបថា ការកើនឡើងសមត្ថភាពរបស់ លី រិទ្ធី ពីមួយកម្រិតទៅមួយកម្រិតនេះដោយសាររូបគេប្រកាន់ភ្ជាប់នូវការហ្វឹកហាត់បានទៀងទាត់ និងខំប្រឹងប្រែង។

រូបភាពលើផេក MrLy Gym

លោក លី ម៉ាវី ប្រធានក្លឹបប្រដាល់ Mr Ly គុនខ្មែរ បានឲ្យដឹងថា រូបលោកពិតជាត្រេកអរនៅពេលដែលឃើញកីឡាករ លី រិទ្ធី កើនឡើងនូវសមត្ថភាពប្រកួត ជាពិសេសជ័យជម្នះផ្ទួនៗមួយរយៈពេលចុងក្រោយនេះ។ រឹតតែរីករាយជាងនេះទៅទៀតនោះគឺឃើញកីឡាករដែលខ្លួនបានបណ្ដុះបណ្ដាលនេះទទួលបានកម្រៃច្រើនសម្រាប់គ្រួសារ ហើយរូបគេមានទឹកបន្ថែមទៀតក្នុងការខំប្រឹងហ្វឹកហាត់។

រូបភាពលើផេក MrLy Gym

ប្រធានក្លឹបប្រដាល់នៅឯសៀមរាបខាងលើនេះបន្តប្រាប់ទៀតថា សម្រាប់ជោគជ័យទាំងនេះគឺបានមកពីខំប្រឹងទាំងអស់គ្នា ពោលលោកព្យាយាមពន្យល់ប្រាប់ពីការគោលដៅ ទទួលស្គាល់បរាជ័យ និងបន្តការហ្វឹកហាត់ឲ្យជាប់លាប់រហូត។ មួយវិញទៀត ថៃ រិទ្ធី ដែលជាគ្រូជួយទៅតាមបច្ចេកទេសជាគ្រូ រីឯសិស្សខ្លួនឯងក៏ខំប្រឹងប្រែងទៀតនោះ ទើបអាចនិយាយបានថាទទួលលទ្ធផលល្អជាបន្តបន្ទាប់នេះ។

រូបភាពលើផេក MrLy Gym

រំលឹកដែរថា ក្លឹបប្រដាល់ Mr Ly គុនខ្មែរ នេះមានទីតាំងនៅឯខេត្តសៀមរាប បច្ចុប្បន្ននេះមានកីឡាករ ថៃ រិទ្ធី ជាគ្រូបង្វឹកនៅទីនោះ។ ចំណែកកីឡាករទម្ងន់ធ្ងន់ លី រិទ្ធី ជាសិស្សគុនក្នុងក្លឹបនៅសៀមរាបមួយនេះ៕

វីដេអូ៖