ចង់ដឹងអត់! លុយ ១ ទ្រីលានដុល្លារ Apple អាចទិញអីបានខ្លះ?
- 2020-07-20 08:11:14
- ចំនួនមតិ 0 | ចំនួនចែករំលែក 0
ចង់ដឹងអត់! លុយ ១ ទ្រីលានដុល្លារ Apple អាចទិញអីបានខ្លះ?
ចន្លោះមិនឃើញ
កាលពីសប្ដាហ៍មុន Apple ទើបតែបំបែកកំណត់ត្រាក្លាយជាក្រុមហ៊ុនមានតម្លៃទ្រព្យ ១ ទ្រីលានដុល្លារមុនគេបង្អស់ក្នុងលោក។ លុយខ្ទង់ទ្រីលានដុល្លារ បើយកទៅចំណាយលើរបស់មានតម្លៃរាប់តាំងពីស្មាតហ្វូនដល់នាវាធុនធ្ងន់ ក្រុមហ៊ុនរបស់លោក Tim Cook អាចទិញរបស់របរបានមហាសាល។
១.ទិញ iPhone X:
ស្ថិតក្នុងតម្លៃ ៩៩៩ ដុល្លារ លុយ ១ ទ្រីលានដុល្លារ Apple អាចទិញ iPhone X ចំនួន ១ ពាន់លានគ្រឿង ដោយអាចចែកជូនពលរដ្ឋអាមេរិកប្រើប្រាស់ម្នាក់ ៣ គ្រឿងយ៉ាងងាយស្រួល។
២.ទិញក្រុមកីឡា:
ការវិនិយោគលុយខ្ទង់ទ្រីលាន Apple អាចទិញសិទ្ធិក្របខ័ណ្ឌកីឡា NFL ទាំងមូលមានតម្លៃក្បែរ ៤៥ ពាន់លានដុល្លារ និងអាចទិញ MLB, NBA, NHL ក៏ដូចជា NASCAR រួចសល់លុយ ៧៥០ ពាន់លានដុល្លារថែមទៀតផង។
៣.ទិញយកនាវាខ្នាតយក្ស:
នាវាមានតម្លៃថ្លៃបំផុតក្នុងលោក History Supreme មានតម្លៃ ៤,៥ ពាន់លានដុល្លារ។ ក្រៅពីទំហំធំ វាផ្គុំឡើងដោយទឹកមាសនិងប្លាទីនទម្ងន់ ២២០ ០០០ ផោន ប៉ុន្តែសម្រាប់ទ្រព្យរបស់ Apple អាចទិញធុននេះដល់ទៅ ២២២ គ្រឿង។
៤.ទិញយន្តហោះ Airbus 380:
ជាយន្តហោះមានតម្លៃថ្លៃបំផុតក្នុងលោក មួយគ្រឿងថ្លៃក្បែរ ៥០០ លានដុល្លារ អាចដឹកអ្នកដំណើរបានក្បែរ ៨០០ នាក់ នោះ Apple អាចទិញយន្តហោះខ្នាតនេះចំនួន ២ ០០០ គ្រឿងក្នុងមួយរំពេច។
៥.ទិញរថយន្ត Rolls-Royce Sweptails:
មួយគ្រឿងថ្លៃ ១៣ លានដុល្លារជារថយន្តតម្លៃមហាសាលក្នុងទីផ្សារពិភពលោក ប៉ុន្តែ Apple ក៏មានលទ្ធភាពទិញម៉ាកនេះចំនួន ៧៦ ៩២៣ គ្រឿង ក្នុងកញ្ចប់លុយ ១ ទ្រីលានដុល្លារ ឬទិញរថយន្តល្បឿនលឿន Hennessy Venom F5 ល្បឿនអតិបរមា ៤៨៥ គ.ម/ម៉ ចំនួន ៦២៥ ០០០ គ្រឿង។
៦.ទិញផ្ទះនៅតំបន់ Bay Area:
Bay Area នៅទីក្រុង San Francisco ជាប្រជុំពួកអ្នកមានទ្រព្យសម្បត្តិស្តុកស្តំរស់នៅ ដោយសូម្បីតែតម្លៃផ្ទះមួយខ្នងៗ អ្នកមានទ្រព្យល្មមមិនហ៊ានលូក ប៉ុន្តែ ១ ទ្រីលានដុល្លារ Apple អាចទិញផ្ទះឲ្យពលរដ្ឋរាល់គ្នារស់នៅតំបន់នោះបានយ៉ាងងាយ។
៧.ការរ៉ាប់រងថ្លៃសិក្សាបញ្ចប់ថ្នាក់បរិញ្ញាបត្រ:
បើមានចិត្តសប្បុរស Apple អាចជួយនិស្សិត ៨,៣ លាននាក់ឲ្យបញ្ចប់ការសិក្សាថ្នាក់បរិញ្ញាបត្រនៅសកលវិទ្យាល័យឯកជនណាមួយក្នុងសហរដ្ឋអាមេរិក ដោយជាមធ្យមថ្លៃសិក្សាក្នុងមួយឆ្នាំប្រហែល ៣០ ០០០ ដុល្លារសម្រាប់និស្សិតម្នាក់។