ទើបទិញនាវា៥លានកន្លះ ពេលនេះ Ronaldo ទិញឡាន១គ្រឿងជិត១០លានទៀត
- 2020-08-01 07:57:19
- ចំនួនមតិ 0 | ចំនួនចែករំលែក 0
ទើបទិញនាវា៥លានកន្លះ ពេលនេះ Ronaldo ទិញឡាន១គ្រឿងជិត១០លានទៀត
ចន្លោះមិនឃើញ
អំឡុងពេលសម្រាកលំហែអារម្មណ៍កន្លងទៅនេះ Cristiano Ronaldo បានទិញនាវាកម្សាន្តមួយគ្រឿងតម្លៃ៥,៥លានផោន ដើម្បីសម្រាកជាមួយក្រុមគ្រួសារឱ្យមានក្ដីសុខ។
យ៉ាងណាមិញ ការសម្រាកនោះដែរមិនទាន់អស់ចិត្តទេ នៅថ្មីៗនេះ កីឡាករលំដាប់កំពូលលើលោកនេះ បានទិញឡានសេរីទំនើបមានតែ១០គ្រឿងគត់នៅលើលោកនេះទៀតហើយ។ Bugatti Centodieci ជាឡានកម្រមានតែ១០គ្រឿងទេនៅលើលោក ដោយ១គ្រឿងមានតម្លៃ៨,៥លានផោនឯនោះ។ Ronaldo បានបញ្ជាទិញឡានមួយនេះ ដោយរំពឹងថានឹងទទួលបានវានៅពេលឆាប់ៗនេះ។
ម៉ូដែល Bugatti Centodieci នេះមានកម្លាំងម៉ាស៊ីនខ្លាំង និងស្ទុះជាងម៉ូដែលដទៃទៀត។ វាប្រើពេលត្រឹមតែ២,៤វិនាទីប៉ុណ្ណោះ ដើម្បីឈានដល់ល្បឿន១០០គីឡូម៉ែត្រក្នុងមួយម៉ោង។ Bugatti ចេញម៉ូដែល Centodieci នេះ១០គ្រឿង ដើម្បីអបអរខួប១១០ឆ្នាំរបស់ក្រុមហ៊ុន។ បូកថែមឡាន១គ្រឿងនេះទៀត Ronaldo មានឡានសេរីទំនើបច្រើនមែនទែន ដែលបូកជាលុយទៅ រាប់សិបលានដុល្លារទៅហើយ៕