Samsung សង់កន្លែងតេស្តជំងឺកូវីដ១៩ផ្ទាល់ខ្លួន នៅកូរ៉េខាងត្បូង
- 2020-08-03 07:18:05
- ចំនួនមតិ 0 | ចំនួនចែករំលែក 0
Samsung សង់កន្លែងតេស្តជំងឺកូវីដ១៩ផ្ទាល់ខ្លួន នៅកូរ៉េខាងត្បូង
ចន្លោះមិនឃើញ
Samsung បានក្លាយជាក្រុមហ៊ុនឯកជនដំបូងគេនៅប្រទេសកូរ៉េខាងត្បូង ដែលមានមន្ទីរសម្រាប់ធ្វើតេស្តរកជំងឺកូវីដ១៩ផ្ទាល់ខ្លួន។
មន្ទីរធ្វើតេស្តជំងឺកូវីដ១៩របស់ Samsung មានទីតាំងនៅរោងចក្រ Hwaseong ដែលសាងសង់ឡើងក្នុងគោលបំណងជំរុញដល់វិធានការទប់ស្កាត់ជំងឺកូវីដ១៩ឲ្យមានប្រសិទ្ធភាពខ្ពស់ និងដើម្បីរក្សាសុវត្ថិភាពបុគ្គលិកខ្លួនផងដែរ។
បន្ថែមពីនេះដែរ ក្រុមហ៊ុន Samsung ក៏នឹងប្រើប្រាស់មន្ទីរធ្វើតេស្តរបស់ខ្លួនដើម្បីជួយដល់ប្រជាពលរដ្ឋនៅក្រុង Hwaseong ផងដែរ។ Samsung និយាយដែរថានឹងពិចារណាបើកមន្ទីរធ្វើតេស្តនៅទីតាំងផលិតជាច្រើនទៀតរបស់ខ្លួននៅកូរ៉េខាងត្បូង។
អាជីវកម្មស្មាតហ្វូន និងទូរទស្សន៍របស់ Samsung បានរងផលប៉ះពាល់ដោយសារជំងឺឆ្លងកូវីដ១៩។ យ៉ាងណាក្ដីអាជីវកម្មផលិតបន្ទះឈីបនៅតែមានលទ្ធផលល្អ។ Samsung រំពឹងថាគ្រប់យ៉ាងនឹងវិលត្រឡប់មកសភាពដើមវិញនៅត្រឹមដំណាច់ឆ្នាំ ២០២០ ឬនៅត្រីមាសដំបូងនៃឆ្នាំ ២០២១៕