សហព័ន្ធកីឡាកាយសម្ព័ន្ធ៖ របបអាហារគឺសំខាន់ណាស់ និងគ្រប់គ្រងបាន ១០០%

2020-09-16 08:08:02
ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គលេខាធិការសហព័ន្ធកីឡាកាយសម្ព័ន្ធកម្ពុជា ថារបបអាហារកីឡាករ កីឡាការិនី របស់លោកគឺមានសារសំខាន់ណាស់ មិនចេះតែញុំនោះទេបច្ចុប្បន្នសហព័ន្ធគ្រប់គ្រងរឿងនេះបាន ១០០% តែម្ដង។

លោក ណយ ផាន់ណា

លោក ណយ ផាន់ណា បានឲ្យដឹងថា កីឡាករ កីឡាការិនីឈុតធំ និងថ្នាលបច្ចុប្បន្ននេះស្នាក់នៅ ហូបចុកនៅហ្នឹងសហព័ន្ធក្នុងពហុកីឡដ្ឋាននេះតែម្ដង។ ពោលមានលោកគ្រូ អ្នកគ្រូជំនួយចាំនៅមើលគ្រប់ពេលវេលា ជាពិសេសវិន័យត្រូវអនុវត្តបានល្អជានិច្ច។ ងាកនិយាយពីរបបអាហារ និងការថែរក្សារាងកាយវិញ គ្រូជំនាញខាងកាយសម្ព័ន្ធខាងលើនេះបានបញ្ជាក់ថា សម្រាប់ក្រុមកីឡាករ កីឡាការិនីរបស់លោកអនុវត្តបាន ១០០% ទៅតាមបច្ចេកទេសហូបចុកត្រឹមត្រូវតាមលក្ខណៈស្តង់ដារកីឡាព្រោះមានអ្នកចាំធ្វើឲ្យជាស្រេច។

កីឡាករកាយសម្ព័ន្ធ

អគ្គលេខាធិការរូបនេះបន្ថែមទៀតថា កីឡាករត្រូវញុំអាហារមានប្រូតេអ៊ីនយ៉ាងណាខ្លះ ត្រូវញុំបរិមាណប៉ុន្មានមានកម្លាំងគ្រប់គ្រាន់ហ្វឹកហាត់ ត្រូវជៀសវាងអាហារប្រភេទណាដែលប៉ះដល់ការហ្វឹកហាត់ ឬរាងកាយជាដើម។ ចំណុចទាំងនេះសហព័ន្ធរបស់លោកបានគ្រប់គ្រងល្អមិនបណ្ដោយកីឡាករនោះទេ។

កីឡាករកាយសម្ព័ន្ធ

រំលឹកដែរថា សហព័ន្ធកីឡាកាយសម្ព័ន្ធកម្ពុជាគឺដឹកនាំដោយឯកឧត្ដម ថោង ខុន ជាប្រធាន និងលោក ណយ ផាន់ណា ជាអគ្គលេខាធិការ។ កីឡាមួយនេះគឺត្រូវការការព្យាយាមបំផុត និងប្រើពេលវេលាយូរឆ្នាំណាស់ទម្រាំឲ្យផលមកវិញ ខណៈការហ្វឹកហាត់មានការប្រុងប្រយ័ត្នខ្ពស់មែនទែន៕