វិបត្ដិសេដ្ឋកិច្ច Barcelona ពិបាកទិញ Depay ទោះតម្លៃត្រឹម២៨លានផោន
- 2020-09-16 09:25:49
- ចំនួនមតិ 0 | ចំនួនចែករំលែក 0
វិបត្ដិសេដ្ឋកិច្ច Barcelona ពិបាកទិញ Depay ទោះតម្លៃត្រឹម២៨លានផោន
ចន្លោះមិនឃើញ
ប្រធានក្លឹប Lyon បានអះអាងថាក្រុម FC Barcelona កំពុងពិបាកក្នុងការស្វែងរកប្រាក់២៨លានផោន ដើម្បីចុះកុងត្រាយកខ្សែប្រយុទ្ធ Memphis Depay ណាស់ ខណៈដែលកីឡាករមិនទាន់លក់ចេញផងនោះ។
លោក Ronald Koeman មើលឃើញថាក្រុមអ្នកមានបុណ្យបច្ចុប្បន្នខ្វះខ្សែប្រយុទ្ធល្អម្នាក់។ លោកចង់បាន Depay សញ្ជាតិហុល្លង់មករួមក្រុមនារដូវកាលនេះ ដើម្បីពង្រឹងតំបន់ប្រយុទ្ធឡើងវិញ។ តែបញ្ហាប្រាក់គឺជាកត្តាធំសម្រាប់ការផ្ទេរនេះ ត្បិតអីក្រុមអ្នកមានបុណ្យរងផលប៉ះពាល់ខ្លះដោយសារតែវិបត្តិ Covid-19 ។
បើតាមប្រធានក្លឹប Lyon បានអះអាងថាម្ចាស់ក្លឹប Barcelona ផ្ទាល់បានប្រាប់លោកថាពួកគេមិនមានប្រាក់គ្រប់គ្រាន់សម្រាប់ទិញ Depay ឡើយ។ ក្រុមអ្នកមានបុណ្យពេលនេះ កំពុងស្វះស្វែងរកវិធីដើម្បីបន្ថយចំណាយ ព្រោះបញ្ហា Covid-19 បានធ្វើឱ្យក្លឹបខាតប្រាក់យ៉ាងច្រើន។ ការទិញយក Depay តម្លៃ២៨លានផោនកើតឡើងបាន លុះត្រាតែពួកគេអាចលក់កីឡាករណាម្នាក់ចេញក្នុងតម្លៃសមរម្យដែរ៕