យក iPhone 12 សាកបាញ់ហ្គេម បានលទ្ធផលខកចិត្តស្ដូក

2020-11-03 02:55:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមការងារ PhoneArena បានធ្វើតេស្តថាមពលថ្មលើ iPhone 12 និង iPhone 12 Pro ដែលចំពោះការលេងហ្គេម ទទួលបានត្រឹមលទ្ធផលដែលអាចធ្វើឲ្យ Gamer មួយចំនួនត្រូវខកចិត្ត។

ធ្វើតេស្តលេងហ្គេម

iPhone 12 និង iPhone 12 Pro អាចទ្រាំទ្រការលេងហ្គេមបានត្រឹមរយៈពេល ៣ម៉ោង និង១នាទី ប៉ុណ្ណោះ ខ្សោយជាង iPhone 11 ដែលអាចទ្រាំទ្របាន ៧ម៉ោង ៣៧នាទី និង iPhone 11 Pro លេងបាន ៦ម៉ោង ៣៨នាទី។

គេបានធ្វើតេស្តដោយសាកថ្មឲ្យពេញសិន បន្ទាប់មកចាប់ផ្ដើមលេងហ្គេម 3D មួយចំនួន ដូចជា Call of Duty Mobile និង Minecraft។ អំឡុងពេលសាកល្បង iPhone 12 ទាំងពីរឆាប់ឡើងកម្ដៅខ្លាំង ធ្វើឲ្យថាមពលថ្មស្រកចុះលឿន។

ដោយឡែកសម្រាប់ការធ្វើតេស្តបើកវិបសាយវិញ iPhone 12 អាចធ្វើបានល្អជាង iPhone 11 Pro និង iPhone 11 ដោយអាចទ្រាំទ្របានរយៈពេលដល់ ១២ម៉ោង ៣៣នាទី។

ធ្វើតេស្តបើកវិបសាយ

ចូលដល់ការធ្វើតេស្តទស្សនាវីដេអូលើ YouTube ជាប់វិញ iPhone 12 និង iPhone 12 Pro អាចធ្វើបានល្អជាង iPhone 11 Pro បន្តិច ប៉ុន្តែនៅចាញ់ iPhone 11 បន្តិចបន្តួចផងដែរ។

ធ្វើតេស្តទស្សនាវីដេអូ YouTube

គួរដឹងថា Apple បានបន្ថយទំហំថ្ម iPhone 12 ទាំងអស់ប្រមាណ ១០% បើធៀបនឹង iPhone ឆ្នាំមុន ប៉ុន្តែ Apple ធ្លាប់អះអាងថា iPhone 12 អាចកាន់ថ្មបានល្អប្រហាក់ប្រហែលនឹងត្រកូល iPhone 11 ដែរ៕

ប្រភព៖ PhoneArena ប្រែសម្រួល៖ សុខហេង