ទូរទស្សន៍វ័យឆ្លាត (Smart TV) គឺជាបច្ចេកវិទ្យាដែលបានតភ្ជាប់ទូរស្សន៍ទៅកាន់ពិភពលោកតាមរយ:បណ្តាញអ៊ីនធើណេត។ ដោយសារភាពសម្បូរបែបនេះហើយ Hacker បានស្វែងរកមធ្យោបាយផ្សេងៗក្នុងការហេកទូរទស្សន៍​វ័យឆ្លាតទាំងនោះ បញ្ជាពីចម្ងាយដើម្បីលួចថតសម្លេង រូបភាព វីដេអូ របស់ជនរងគ្រោះ ឬប្រើប្រាស់ប្រព័ន្ធបច្ចេកវិទ្យាក្នុងកម្មវិធី Samrt TV ធ្វើការវាយប្រហារទៅកាន់គោលដៅផ្សេងៗ។

ឧទាហរណ៍៖ មេរោគឈ្មោះ Mirai ដែលបានប្រើប្រាស់ឧបករណ៍ភ្ជាប់អ៊ីនធើណេត (Internet of Things) ក្នុងនោះរួមទាំងទូរទស្សន៍វ័យឆ្លាតក្នុងការវាយប្រហារ DDOS។ លើសពីនេះត្រូវចងចាំថាទូរទស្សន៍វ័យឆ្លាត នាពេលបច្ចុប្បន្នកំពុងប្រើប្រាស់ប្រព័ន្ធប្រតិបត្តិការដូចដែលកុំព្យូទ័រកំពុងមាន (ភាគច្រើនប្រើប្រាស់ប្រព័ន្ធប្រតិបត្តិការ Android) ដូច្នេះហានិភ័យនានាដែលកុំព្យូទ័ររបស់អ្នកមាន វាក៏នឹងកើតមានលើទូរទស្សន៍វ័យឆ្លាតរបស់អ្នកបានផងដែរ។

ដើម្បីកាត់បន្ថយហានិភ័យនៅពេលភ្ជាប់ទូរទស្សន៍វ័យឆ្លាតរបស់អ្នកទៅកាន់បណ្តាញអ៊ីនធើណេត អ្នកត្រូវអនុវត្តវិធីសាស្ត្រមួយចំនួនដូចខាងក្រោម៖

• បិទកាមេរ៉ាពេលដែលពុំប្រើប្រាស់ ជាពិសេសក្នុងបន្ទប់គេង

• ត្រូវមានការប្រុងប្រយ័ត្នពេលចូលមើលគេហទំព័រផ្សេងៗ ជាពិសេសគេហទំព័រអាសអាភាស

• ត្រូវមានការប្រុងប្រយ័ត្នពេលទាញយក និងដំឡើងកម្មវិធីផ្សេងៗ ពីប្រភពមិនច្បាស់លាស់

• ត្រូវរក្សាលេខសម្ងាត់ Wifi ដែលទូរទស្សន៍កំពុងភ្ជាប់ជាមួយ ព្រោះជនអនាមិកអាចធ្វើការវាយប្រហារ នៅពេលដែលគេភ្ជាប់បណ្តាញ Wifi ជាមួយអ្នក។

អត្ថបទ៖ ម៉េងងី