ឡាយ Game មួយថ្ងៃ ២ទៅ៣ម៉ោង ដឹងអត់ សៀ នាង អាចរកចំណូលបានប៉ុន្មាន?
- 2021-01-18 02:38:19
- ចំនួនមតិ 0 | ចំនួនចែករំលែក 0
ឡាយ Game មួយថ្ងៃ ២ទៅ៣ម៉ោង ដឹងអត់ សៀ នាង អាចរកចំណូលបានប៉ុន្មាន?
ចន្លោះមិនឃើញ
សៀ នាង អាចថាជា Streamer មួយរូបដែលអ្នកលេង ហ្វេសបុក ជាច្រើនបានស្គាល់តាមរយះការឡាយហ្គេម ពិសេសការសម្ដែងជាច្រើននៅលើបណ្ដាញសង្គម Tik Tok។ ចាប់ផ្ដើមដឹងខ្លួនចូលចិត្តការលេង Game តាំងពីនៅក្មេងគួបផ្សំជាមួយការលើកចិត្តពីគ្រួសារ និងមិត្តភក្តិផងនេះបានធ្វើឲ្យ នាងក្លាយជាអ្នក Streamer ស្រីមួយរូបប្រចាំនៅកម្ពុជា។
រៀនចប់ត្រឹមទី ១២ក៏ពិតមែនតែ នាង បានប្រឡូកជាមួយការងារជាច្រើនមុនពេលបានមកដល់ចំណុចនេះ។ សៀ នាង បានបន្ថែមថា ត្បិតខ្លួនជាស្រីតែមានចិត្តស្រលាញ់អ្វីៗដូចជាមនុស្សប្រុសដែរដូចជាការលេងហ្គេម ឬរបស់ប្រើប្រាស់មួយចំនួន។
ចាប់ផ្ដើមជាអ្នក Streamer នៅដើមឆ្នាំ ២០១៩ សៀ នាងបានប្រាប់ពីចំណូលប្រចាំខែដែលទទួលបានពីការឡាយហ្គេមតាមរយះ Sponsor ប្រចាំខែ ការផ្ញើ Star ក៏ដូចជាការឧបត្ថម្ភលើកទឹកចិត្តពីហ្វេនមួយចំនួន ដែលខ្លួនអាចរកចំណូលបានចន្លោះពី ៤០០ ទៅ ៥០០ដុល្លារក្នុងមួយខែ។
សៀ នាង ដែលមានទេពកោសល្យច្រើនក្រៅពីការលេងហ្គេមដូចជា សម្ដែង ជាអ្នក MC និងអ្នកអធិប្បាយហ្គេមផងដែរ បានធ្វើនាងទទួលបានការងារជាប្រចាំមិនដាច់ពីក្រុមហ៊ុនធំៗក្នុងស្រុកជាច្រើន។ បើទោះបីជារង្វល់ជាមួយការច្រើន តែមួយថ្ងៃ នាង បានធ្វើការ Live ហ្គេមពី ២ទៅ ៣ម៉ោង។
Streamer ដែលមានរូបរាងស្អាតនិងទេពកោសល្យច្រើនរូបនេះ ក៏បានប្រាប់ថានឹងចាប់ផ្ដើមប្រឡូកចូលក្នុងការងារជាអ្នកសម្ដែង និងពិធីករ ព្រោះនេះជាចំណង់ចំណូលចិត្តរបស់ខ្លួន។ កញ្ញា ក៏សង្ឃឹមថានិងមានអ្នកគាំទ្រខ្លួននៅតែស្រលាញ់និងគ្រួសារដែលជាកម្លាំងចិត្តដល់ខ្លួនរហូតមក៕