មកស្គាល់បុគ្គលល្បី ៥ រូបក្នុងវិស័យជំនួញថៃ ម្ចាស់ងារអ្នកម្ដាយមាត់ធំ នាំលុយចូលផ្ទះ

2021-01-27 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកមានរបររកស៊ីភាគច្រើននាពេលបច្ចុប្បន្ននេះតែងរកគំនិតថ្មីៗ ដើម្បីធ្វើឲ្យអាជីវកម្មរបស់ខ្លួនដើររលូន និងល្បីល្បាញដោយប្រើគ្រប់មធ្យោបាយ តាមស្ទីលលក់រៀងៗខ្លួន។ ប៉ុន្តែក្នុងចំណោមតារាអ៊ីនធើណិត ដែលជាអ្នកមានរបររកស៊ីទាំងអស់ប្រចាំប្រទេសថៃ សង្កេតឃើញថាបុគ្គល ៥រូបត្រូវបានគេលើកសរសើរថា មានថ្វីមាត់ចំណាប់អស្ចារ្យ បូកផ្សំនឹងតិកនិកលក់ប្លែកៗ អាចទាក់ចិត្តអតិថិជនជាច្រើនជាប់ចិត្តនឹងផលិតផលរបស់ខ្លួន ហើយវាក៏ជារឿងល្អបំផុតសម្រាប់បុគ្គលល្បីទាំងនោះរកលុយបានច្រើន។

មកស្គាល់ពួកគេទាំងអស់គ្នា៖

១. Pimrypie

នាងជានារីម្នាក់ដែលរឹងមាំខ្លាំងបំផុត មិនដែលចុះញ៉មនឹងអ្នកណាទាំងអស់ សូម្បីម៉ូយ។ Pim ជាម្ចាស់គណនី YouTube មានឈ្មោះនេះផ្ទាល់ ដែលមានវីដេអូច្រើនប្រភេទ តាំងពីបង្ហាញផលិតផលថ្មី វីដេអូញ៉ាំអាហារ (ជាពិសេស Promote ទឹកប្រហុក និងម្ទេស Brand ម៉ែអ៊ីភីម) បូកផ្សំនឹងសកម្មភាពសប្បុរសធម៌ Vlog បង្ហាញពីសកម្មភាពប្រចាំថ្ងៃ ហើយថែមទាំងមានវីដេអូបទចម្រៀងរបស់ Pim ផ្ទាល់ទៀត។ ឯទំព័រ Facebook របស់នាងវិញ តែងបង្ហោះពីផលិតផលថ្មីៗ ទាំងគ្រឿងសម្អាង ទឹកប្រហុក ម្ទេស និងផលិតផលផ្សេងទៀត។

២. Jae Khek Hek Park

ម្ចាស់ហាងមួយនេះក៏សម្បូរប្រជាប្រិយមិនណយដែរ ព្រោះរាល់ថ្ងៃមនុស្សចូលទិញកកកុញខ្លាំង ហើយហាងកាន់តែល្បីឡើងៗ ដោយសារមានម្ចាស់ YouTube ជាច្រើនមកថត។ ហាងនេះបើកជាង ១៤ឆ្នាំហើយ ជារបររកស៊ីលក្ខណៈគ្រួសារដែលមានការគាំទ្រមិនចេះស្វាង។ អ្វីដែលសំខាន់ ម្ចាស់ហាងគឺ «Jae Khek Hek Park» តែងតុបតែងមុខមាត់ប្លែកៗ បង្កជាទស្សនីយភាពថ្មីមួយបែបដល់អ្នកមកទិញនំគ្រួក។

៣. Jae Daeng Yum Mak Moung Sadis

បើគេនិយាយពីញាំស្វាយខ្ចី នោះគេនឹងនឹកដល់ «Jae Daeng Yum Mak Moung Sadis»។ ទោះបីសម្ដីមិនសូវល្អដូចអ្នកលក់ទូទៅ ប៉ុន្តែភ្ញៀវនៅតែមិនខ្វល់ គឺជាប់ម៉ូយ ពេញចិត្តនឹងរសជាតិដ៏ឆ្ងាញ់ជូរ ហិររបស់ញាំស្វាយចែដេង។

៤. Jae Tork Taek

នេះហើយអ្នកលក់បុកល្ហុងដែលតែងខ្លួនជានារី ហលយឈរលក់តាំងពីព្រឹកទល់យប់ ជាមួយនឹងសំនួនវោហារចាក់ទឹកមិនលិច។ Jae Tork រួសរាយ ហើយតែងនិយាយលេងសើចរាប់អាន ស្វាគមន៍ភ្ញៀវឲ្យរំលងម្នាក់ទេ។ បន្ថែមពីលើនោះរសជាតិបុកល្ហុងរបស់អ្នកលក់រូបនេះ ល្បីថាឆ្ងាញ់ណាស់។

៥. After Yum

ភ្ញៀវមិនតិចទេ ក្នុងនោះរួមទាំងតារាៗផងបាននាំគ្នាទៅញ៉ាំអាហារឆ្ងាញ់ៗនៅហាង After Yum។ ក្រៅពីអាហារ សម្ដីរបស់អ្នកលក់ ធ្វើឲ្យភ្ញៀវពេញចិត្តណាស់ ហើយសេវាកម្មកាន់តែពិសេសទៀត៕