Neymar ថាមិនអាចឈប់បានទេ រឿងជប់លៀង ផឹកស៊ី នេះមួយ
- 2021-02-03 07:05:31
- ចំនួនមតិ 0 | ចំនួនចែករំលែក 0
Neymar ថាមិនអាចឈប់បានទេ រឿងជប់លៀង ផឹកស៊ី នេះមួយ
ចន្លោះមិនឃើញ
ខ្សែប្រយុទ្ធ Neymar បានអះអាងថារឿងឱ្យឈប់រៀបចំកម្មវិធីជប់លៀងនានា គឺមិនអាចទៅរួចនោះទេ ព្រោះរូបគេធំហើយ មិនមែននៅក្មេងដូចពីមុនឡើយ។
Neymar ជាកីឡាករមានតម្លៃខ្លួនផ្ទេរជាប់កំណត់ត្រាថ្លៃបំផុតនៅលើលោកនេះ កាលពីផ្លាស់មកពីក្រុម Barcelona ក្នុងតម្លៃ២២២លានអឺរ៉ូកាលពីឆ្នាំ២០១៧កន្លងទៅ។ មកលេងនៅបារាំងនេះ គេសង្កេតឃើញថាកីឡាករប្រេស៊ីលរូបនេះកាន់តែមានជីវិតស៊ីវិល័យទៅ ដោយគ្រប់ថ្ងៃខួបកំណើតរបស់គេ តែងតែរៀបចំជប់លៀងធំមែនទែន។
ការជប់លៀងនោះទៀតសោត ក៏ធ្វើឱ្យមានមតិរិះគន់ច្រើនផងដែរ ដែលខ្លះថារូបគេរៀងធ្លាក់ទម្រង់លេង និងមានបញ្ហារបួសច្រើននេះ គឺដោយសារតែការមិនតមអាហារត្រឹមត្រូវ និងមានកម្មវិធីយប់ច្រើន។ តែទាក់ទងនឹងរឿងនេះ Neymar បញ្ជាក់ថាគ្រប់មនុស្សលើលោកត្រូវតែមានការសប្បាយខ្លះ ការងារខ្លះ។ រូបគេមិនអាចបោះបង់ចោលការជប់លៀងសប្បាយបានឡើយ ព្រោះគេធំហើយ។
ទន្ទឹមគ្នានេះដែរ Neymar ក៏ទទួលស្គាល់ដែរថា ប្រសិនបើរូបគេបោះបង់ការជប់លៀងទាំងអស់ចោល ហើយផ្តោតលើបាល់ទាត់១០០% នោះគ្មាននរណាអាចទប់ស្កាត់គេបានឡើយ៕