Chelsea បន្ដកំណត់ត្រាមិនចាញ់របស់ខ្លួន ឡើង Semi-Final នៅ FA Cup
- 2021-03-22 02:03:38
- ចំនួនមតិ 0 | ចំនួនចែករំលែក 0
Chelsea បន្ដកំណត់ត្រាមិនចាញ់របស់ខ្លួន ឡើង Semi-Final នៅ FA Cup
ចន្លោះមិនឃើញ
ក្រុមតោខៀវ Chelsea បន្ដកំណត់ត្រាមិនចាញ់របស់ខ្លួនទៀតហើយ ដោយយកឈ្នះលើក្រុម Sheffield United ក្នុងលទ្ធផល ២-០ ឡើងវគ្គពាក់កណ្ដាលផ្ដាច់ព្រ័ត្រពានរង្វាន់ FA Cup ។
ក្រោមការដឹកនាំរបស់លោក Thomas Tuchel ឃើញថាក្រុម Chelsea មិននឿយហត់នោះទេក្នុងការប្រកួត។ ជាក់ស្ដែងក្នុងការប្រកួតទល់ក្រុម Sheffield United នៅយប់មិញនេះ ពួកគេបន្ដយកឈ្នះក្នុងលទ្ធផល ២-០ ទៀត ដោយ២គ្រាប់នោះធ្វើបានដោយ Norwood (ធ្វើឱ្យចូលទីខ្លួនឯង) និង១គ្រាប់ទៀតធ្វើបានដោយ Ziyech នៅនាទី៩០+២ ។
ជ័យជម្នះ ២-០ នេះល្មមសម្រាប់ក្រុម Chelsea ក្នុងការឡើងទៅវគ្គពាក់កណ្ដាលផ្ដាច់ព្រ័ត្រក្នុងពានរង្វាន់ FA Cup ទៀតហើយ។ ដោយវគ្គនោះ ពួកគេនឹងត្រូវតតាំងជាមួយក្រុម Manchester City នៅថ្ងៃទី១៧ខែមេសាឆ្នាំ២០២១ខាងមុខ៕