Apple ទើបបញ្ចេញមុខងារថ្មី iOS 14.5 ជាមួយមុខងារថ្មីៗជាច្រើន ជាពិសេសគឺ App Tracking Transparency ដែលជាមុខងារទប់ស្កាត់ការដានដានទិន្នន័យ ដោយផ្ដល់ជម្រើសដល់អ្នកប្រើប្រាស់សម្រេចចិត្តដោយខ្លួនឯង ថាយល់ព្រមនឹងការដាននោះ ឬក៏អត់?

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

មុខងារការពារឯកជនភាពទិន្នន័យនេះ ការពារអ្នកប្រើពីកម្មវិធីមួយចំនួន ដែលព្យាយាមតាមដានទិន្នន័យពីអ្នកទាំងនោះ តាមរយៈការប្រើប្រាស់កម្មវិធីផ្សេងៗលើ iPhone ឬការចូលទៅកាន់គេហទំព័រជាដើម។

រាល់ពេលមានការតាមដានទិន្នន័យរបស់អ្នកកើតឡើង មុខងារថ្មីនេះនឹងលោតផ្ទាំងមួយដោយប្រាប់ពីមូលហេតុដែលកម្មវិធីនោះយកទិន្នន័យរបស់អ្នកទៅក្នុងបំណងអ្វី។ ជាមួយគ្នាផងដែរ អ្នកក៏អាចសម្រេចចិត្តថា អនុញ្ញាតឱ្យកម្មវិធីទាំងនោះយកទិន្នន័យរបស់អ្នក ឬមិនចង់ឱ្យមានការតាមដានជាដើម។

ទោះយ៉ាងណាក៏ដោយ បើសិនជាអ្នកសម្រេចចិត្តថាមិនចង់ឱ្យកម្មវិធីទាំងនោះតាមដានទិន្នន័យរបស់អ្នកនោះទេ ឬមិនចង់ឱ្យវាលោតផ្ទាំងតាមដាននាំស្មុគ្រស្មាត អ្នកអាចចូលបិតវាតាមរយៈ៖

• ចូលទៅកាន់កម្មវិធី Setting > Privacy > Tracking > ទាញបិត Allow Apps to Request to Track ជាការស្រេច។

គួរបញ្ជាក់ថា មានកម្មវិធីជាច្រើនលើ iPhone ដែលកំពុងតាមដានទិន្នន័យរបស់អ្នក ដោយគោលបំណងនៃយកទិន្នន័យទាំងនោះគឺដើម្បី ស្វែងយល់ពីអ្នកប្រើប្រាស់ម្នាក់ៗ ថាតើពួកគេចង់បានអ្វី? ចូលចិត្តអ្វី? បន្ទាប់មកពួកគេនឹងផ្សាយពាណិជ្ជកម្មផ្សេងៗឱ្យត្រូវនឹងចិត្តរបស់អ្នកទាំងនោះ ម្យ៉ាងទៀតទិន្នន័យទាំងក៏អាចមានការលក់ដូរទៅកាន់ភាគីទី៣ផងដែរ។

ឧទាហរណ៍ ក្រុមហ៊ុនបណ្ដាញសង្គមធំជាងគេ Facebook ព្យាយាមតាមដានទិន្ន័យជាច្រើនពីអ្នកប្រើប្រាស់ ក្នុងគោលបំណង ដើម្បីឱ្យការផ្សាយពាណិជ្ជកម្មរបស់ពួកគេមានគុណភាពល្អ និងត្រូវចិត្តអ្នកប្រើប្រាស់៕

ប្រភព៖ macrumors   ប្រែ​សម្រួល៖ កុសល