ឆ្នាំនេះនៅតែ ឌូក និង ម៉េងហ៊ួង ជាដៃគូដ៏សក្តិសមសម្រាប់ស៊ីហ្គេមផ្នែកបាល់ទះឆ្នេរខ្សាច់

2021-05-10 02:18:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍កីឡាស៊ីហ្គេមលើកទី៣១ នឹងចាប់ផ្ដើមចន្លោះពីថ្ងៃទី២១ ខែវិច្ឆិកា ដល់ថ្ងៃទី ០២ ខែធ្នូ ឆ្នាំ២០២១ នៅប្រទេសវៀតណាម។ ក្នុងព្រឹត្តិការណ៍នេះក្រុមបាល់ទះឆ្នេរខ្សាច់កម្ពុជាមានកីឡាករ៦ រូបបានជ្រើសរើសរួចរាល់ ក្នុងនោះត្រូវបានគេមើលឃើញថា ជុក សោភា ហៅ ឌូក និង ធី ម៉េងហ៊ួង ជាដៃគូដ៏សក្តិសមក្នុងការជ្រើសរើសឲ្យចាប់ដៃគ្នាប្រយុទ្ធលើទីលានឆ្នេរខ្សាច់។

ការនិយាយដូចខាងលើប្រិយមិត្តពិតជាបានដឹងហើយ ពីកម្រិតសមត្ថភាពរបស់ពួកគេម្នាក់ៗ។ យ៉ាងណា ឌូក និង ម៉េងហ៊ូង ធ្លាប់មានបទពិសោធប្រកួតកាលស៊ីហ្គេមឆ្នាំ២០១៩ នៅហ្វីលីពីន រួចហើយ ដែលទោះជាមិនទទួលបានលទ្ធផលល្អ ប៉ុន្តែគេទាំងពីរបានបង្ហាញឲ្យអ្នកគាំទ្រនៅកម្ពុជាសប្បាយចិត្តជាមួយសមត្ថភាពលេងទល់ប្រទេសខ្លាំងបានយ៉ាងល្អ។ បើនិយាយពីីបច្ចេកទេស និងសមត្ថភាពផ្ដាច់ក្នុងទាំងពីរនាក់ល្អដូចគ្នា ហើយឌូកវិញសមត្ថភាពទទួលសេវារឹង ចំណែក ម៉េងហ៊ួង វាយសេវាធ្ងន់។

កីឡាករទាំង៦រួមមាន៖

១- ជុក សោភា៖ មកពីក្លឹបកងពលធំអន្តរាគមន៍លេខ៣

២- សំ សាមីត៖ មកពីក្លឹបកងពលធំអន្តរាគមន៍លេខ៣

៣- ថុន លាបហេង៖ មកពីក្លឹបកងពលធំអន្តរាគមន៍លេខ៣

៤- ធី ម៉េងហួង៖ មកពីក្លឹបក្រសួងមហាផ្ទៃ

៥- អ៊ឹម ណារិទ្ធ៖ មកពីក្លឹបអគ្គស្នងការដ្ឋាននគរបាលរាជធានីភ្នំពេញ

៦- ពេជ សុផុន៖ មកពីក្លឹបអគ្គស្នងការដ្ឋាននគរបាលរាជធានីភ្នំពេញ

បញ្ជាក់ថា ក្នុងចំណោម៦នាក់ខាងលើនេះអាចចេញទៅវៀតណាមបានតែ៤ នាក់ប៉ុណ្ណោះនេះជាច្បាប់របស់សហព័ន្ធកីឡាបាល់ទះឆ្នេរខ្សាច់អន្តរជាតិ។

ចុះប្រិយមិត្តវិញចង់ឲ្យអ្នកណាចាប់ដៃគូគ្នាក្នុងការប្រកួតផ្លូវការមកដល់បើមើលទៅលើសមត្ថភាពរបស់កីឡាករទាំងអស់ខាងលើសូមធ្វើការ ខំមិនខាងក្រោម?

អត្ថបទ៖ ស្រី សុវណ្ណដារ៉ា