Bonucci ថា Morata ជាខ្សែប្រយុទ្ធល្អបំផុតម្នាក់លើលោកនេះ
- 2021-07-06 01:48:04
- ចំនួនមតិ 0 | ចំនួនចែករំលែក 0
Bonucci ថា Morata ជាខ្សែប្រយុទ្ធល្អបំផុតម្នាក់លើលោកនេះ
ចន្លោះមិនឃើញ
ក្រុមបាល់ទាត់ជម្រើសជាតិអ៊ីតាលី នឹងត្រូវតតាំងជាមួយក្រុមជម្រើសជាតិអេស្ប៉ាញ នៅម៉ោង២រំលងអាធ្រាត្រយប់នេះ សម្រាប់វគ្គពាក់កណ្ដាលផ្ដាច់ព្រ័ត្រពានរង្វាន់ Euro 2020 ។
នេះជាការប្រកួតដ៏ជក់ចិត្តមួយសម្រាប់អ្នកគាំទ្រ ព្រោះអេស្ប៉ាញ និងអ៊ីតាលីនេះ សុទ្ធតែជាក្រុមខ្លាំង និងមានប្រវត្តិល្អមែនទែននាការប្រកួតធំៗកន្លងមក។ អេស្ប៉ាញ កំពុងធ្វើបានល្អក្នុងការប្រកួត Euro 2020 នេះ ខណៈដែលអ៊ីតាលីវិញកាន់តែល្អថែមទៀត។ ក្រុមរបស់លោក Mancini មិនទាន់ស្គាល់បរាជ័យ៣២ប្រកួតជាប់គ្នាមកហើយ។
មុនការប្រកួតនេះដែរ ខ្សែការពារ Bonucci បាននិយាយពីខ្សែប្រយុទ្ធ Morata របស់អេស្ប៉ាញថា៖ “Morata គឺជាមិត្តម្នាក់ ឪពុកល្អម្នាក់ និងជាខ្សែប្រយុទ្ធល្អម្នាក់ផងដែរ។ រូបគេជាខ្សែប្រយុទ្ធល្អបំផុតមួយរូបនៅលើលោកនេះ។ ក្រុមជម្រើសជាតិអេស្ប៉ាញ គឺជាក្រុមល្អមួយក្នុងការប្រកួតនេះ”៕