ផេន បូទី បង្ហើបថាលោកជិតចេញទៅរស់នៅអូទ្រីសជាថ្មី តែលោកទើបចេះនិយាយភាសាអាល្លឺម៉ង់ប៉ុន្មានម៉ាត់នេះទេ!
- 2021-09-10 02:55:02
- ចំនួនមតិ 0 | ចំនួនចែករំលែក 0
ផេន បូទី បង្ហើបថាលោកជិតចេញទៅរស់នៅអូទ្រីសជាថ្មី តែលោកទើបចេះនិយាយភាសាអាល្លឺម៉ង់ប៉ុន្មានម៉ាត់នេះទេ!
ចន្លោះមិនឃើញ
តារាចម្រៀង និងអ្នកនិពន្ធបទភ្លេង ផេន បូទី ប្រកាសជាថ្មី ថាលោកនឹងចេញទៅរស់នៅប្រទេសអូទ្រីសជាមួយសង្សាររបស់លោកក្នុងពេលឆាប់ៗនេះ តែរយៈពេលជិត១០ឆ្នាំដែលលោកបានស្គាល់សង្សារដែលជាជនជាតិអូទ្រីស គឺលោកទើបតែចេះនិយាយភាសាអាល្លឺម៉ង់៤-៥ម៉ាត់ប៉ុណ្ណោះ។
នៅក្នុងវីដេអូខ្លីមួយដែលសង្សាររបស់លោកឈ្មោះ Sonya បង្ហោះតាមបណ្ដាញសង្គមTik Tok គេឃើញផេន បូទី អង្គុយនៅក្បែរនាង ហើយនាងព្យាយាមលោកនិយាយភាសាអាល្លឺម៉ង់ដែលចេះ៤-៥ម៉ាត់នោះទៅកាន់អ្នកគាំទ្រ។ Sonya បញ្ជាក់ថា នាងគឺជានារីជនជាតិអូទ្រីស ហើយប្រទេសនាងប្រើភាសាអាល្លឺម៉ង់។
ភាសាអាល្លឺម៉ង់ដែល ផេន បូទី ចេះនិយាយនោះ គឺមានដូចជា៖ ខ្ញុំស្រឡាញ់អ្នក អគុណ ឆ្ងាញ់ លាហើយ! ប្រទេសនាងថាប្រទេសអូទ្រីសប្រើភាសាអាល្លឺម៉ង់។ ផេន បូទី៖"ខ្ញុំស្រឡាញ់គ្នាចង់១០ឆ្នាំហើយ ចេះបានប្រហែល៥words(ពាក្យ) តិចទៀតខ្ញុំទៅរៀនភាសាអាល្លឺម៉ង់ហើយអត់អីទេ"។
នៅចុងបញ្ចប់ នៃវីដេអូនោះ Sonya ទម្លាយថា ផេន បូទី មិនសូវយកចិត្តទុកដាក់រៀនភាសាអាល្លឺម៉ង់ឡើយ ដែលផ្ទុយពីនាងព្យាយាមរៀនភាសាខ្មែរផង និងអង់គ្លេសផង។ នាងស្ទើរមិនជឿសោះថា ផេន បូទី ចង់រៀនភាសាអាល្លឺម៉ង់មុនចេញទៅរស់នៅប្រទេសអូទ្រីស។ ទាក់ទងនឹងគម្រោងចេញទៅរស់នៅបរទេសរបស់សង្សារ១គូនេះ មិនបានកំណត់កាលបរិច្ឆេទជាក់លាក់ទេ ប៉ុន្តែកន្លងទៅលោកបញ្ជាក់តាមរយៈSabay ថា លោកនឹងចេញទៅក្រោយកូវីដស្ងប់ស្ងាត់៕