Boateng ត្រូវបានចោទប្រកាន់ពីបទ វ៉ៃ និងខាំអតីតគូដណ្ដឹងត្រូវពិន័យជាប្រាក់២លានដុល្លារ
- 2021-09-10 04:12:15
- ចំនួនមតិ 0 | ចំនួនចែករំលែក 0
Boateng ត្រូវបានចោទប្រកាន់ពីបទ វ៉ៃ និងខាំអតីតគូដណ្ដឹងត្រូវពិន័យជាប្រាក់២លានដុល្លារ
ចន្លោះមិនឃើញ
អតីតខ្សែការពារ Manchester City និង Bayern Munich, Jerome Boateng ត្រូវបានចោទប្រកាន់ពីបទ, វ៉ៃ និងខាំអតីតគូដណ្ដឹងនាង Sherin Senler ត្រូវពិន័យជាប្រាក់២លានដុល្លារ ដែលរឿងនេះបានកើតឡើងកាលពី៣ឆ្នាំមុនក្រោយពេលពួកគេបានទៅដើរលេងនៅតំបន់ ការ៉ាប៊ីន ក្នុងពេលសម្រាកលំហែកាយ។
បុរសវ័យ៣៣ឆ្នាំនឹងត្រូវចំណាយទឹកប្រាក់២លានដុល្លារ ដើម្បីជៀសវៀងការជាប់ពន្ធនាគារចំនួន៥ឆ្នាំ ពីបទដែលបានបោទប្រកាន់ខាងលើ។ បើតាមសម្ដីនាង Senler ដែលត្រូវជាគូដណ្ដឹងនិងជាម្ដាយរបស់កូនស្រីភ្លោះទាំងពីរបានប្រាប់ទៅកាន់តុលាការថា Boateng បានខាំ និងស្ដោះទឹកមាត់ដាក់មុខរបស់នាង ព្រមទាំងបានវ៉ៃនៅតំបន់ក្រោមពោះរបស់ខ្លួនយ៉ាងខ្លាំង ហើយបណ្ដាលឲ្យនាងមិនអាចដកដង្ហើមបានថែមទៀតផងក្នុងពេលនោះ។
អតីតខ្សែការពារអាល្លឺម៉ង់ត្រូវបានតុលាការចោទប្រកាន់ធ្វើបាបលើរូបរាងកាយ និងប្រមាថ ដល់នាង Senler ក្នុងហេតុការនោះ ហើយខ្សែការពារខាងលើក៏សម្រេចយល់ព្រមបង់ជាប្រាក់ចំនួន២លានដុល្លារដើម្បីបញ្ចប់រឿងរាវ៕