ទោះជួយ Barca ឈ្នះ តែ Agueroថា អ្នកស្នងអាវ Messi នេះត្រូវការបំពេញបន្ថែមច្រើនទៀត
- 2021-10-18 12:06:32
- ចំនួនមតិ 0 | ចំនួនចែករំលែក 0
ទោះជួយ Barca ឈ្នះ តែ Agueroថា អ្នកស្នងអាវ Messi នេះត្រូវការបំពេញបន្ថែមច្រើនទៀត
ចន្លោះមិនឃើញ
ខ្សែប្រយុទ្ធ Sergio Aguero បាននិយាយទៅ Barca TV ក្រោយការប្រកួតចប់ប្រកួតទល់នឹង Valencia ក្នុងលទ្ធផល ៣-១ នៅក្នុងថ្ងៃនេះ(ម៉ោងកម្ពុជា)ថា ខ្សែប្រយុទ្ធ Ansu Fati ដែលកីឡាករវ័យក្មេងស្នងតំណែងអាវលេខ១០ របស់ Messi នៅត្រូវការបំពេញបន្ថែមច្រើនទៀត ទោះជាស៊ុតចូលមួយគ្រាប់ ចូលរួមចំណែកឲ្យឈ្នះប្រកួតនេះក្ដី។
Aguero បាននិយាយថា៖" Ansu គេនៅជាកីឡាករមានវ័យក្មេងខ្លាំងណាស់ ហើយគេត្រូវការបំពេញបន្ថែមច្រើនឲ្យអ្នកគ្រប់គ្នាជឿជាក់លើគេ។ តែខ្ញុំសប្បាយចិត្ត ដែលពួកយើងមានគេនៅទីនេះ "។
កីឡាករនេះបន្តថា៖" យើងមានតែជួយគេបន្តបង្ហាញទេពកោសល្យដ៏អស្ចារ្យរបស់គេដែលមាន តទៀតព្រោះមិនសូវមានកីឡាករច្រើនទេ ដែលមានសមត្ថភាពដូចគេ “។
គួរបញ្ជាក់ផងដែរថា Ansu Fati ទើបមានអាយុ១៨ឆ្នាំ បានមកលេងឲ្យក្រុមឈុតធំ Barca នៅរដូវកាលមុនដោយចូលលេងបាន១០ប្រកួត និងរកបាន ៥គ្រាប់។ នៅក្នុងរដូវកាលនេះកីឡាករនេះលេងបាន ៤ប្រកួតហើយ ដោយស៊ុតចូលបាន ២គ្រាប់៕
ប្រភព៖ Fotmob