ខ្សែបម្រើរូបនេះ បានចេញមុខប្រកាសជាសាធារណៈថា ខ្លួនជា ភេទទី៣
- 2021-10-27 11:48:17
- ចំនួនមតិ 0 | ចំនួនចែករំលែក 0
ខ្សែបម្រើរូបនេះ បានចេញមុខប្រកាសជាសាធារណៈថា ខ្លួនជា ភេទទី៣
ចន្លោះមិនឃើញ
Josh Cavallo ខ្សែបម្រើមួយរូបរបស់ក្លឹប Adelaide United ដែលជាក្លឹបមួយនៅក្នុងលីគកំពូលអូស្ត្រាលី និងនូវែលហ្សេឡង់ បានប្រកាសជាសាធារណៈនូវតាមបណ្ដាញសង្គម Twitter ក៏ដូចធ្វើជាវីដេអូបង្ហោះនៅលើក្លឹបនេះផ្ទាល់ថា ខ្លួនគេផ្ទាល់គឺជា ភេទទី៣។
បើតាមវីដេអូបង្ហោះដោយក្លឹបខាងលើ Cavallo បាននិយាយថា៖" ខ្ញុំជាកីឡាករបាល់ទាត់ម្នាក់ ហើយខ្ញុំក៏ជា ភេទទី៣ ផងដែរ។ អ្វីដែលខ្ញុំចង់បាននោះគឺ ខ្ញុំនៅលេងបាល់ទាត់ដូចធម្មតា ហើយចាត់ទុកខ្ញុំ មើលមកខ្ញុំស្មើភាពគ្នា។ ខ្ញុំពិតជាហត់នឿយក្នុងការសម្ដែងជាមនុស្សចរិត ២ផ្សេងគ្នានេះណាស់ អញ្ចឹងខ្ញុំប្រកាសថ្ងៃហ្នឹងតែម្ដង "។
កីឡាករនេះបានបន្តថា៖" ខ្ញុំគិតថាក្រោយពេលគេដឹងអញ្ចឹង ពួកគេនឹងចាប់ផ្ដើម ចាត់ទុកខ្ញុំ មើលមកខ្ញុំខុសពីមនុស្សធម្មតា។ ពួកគេនឹងនិយាយអាក្រក់ពីខ្ញុំ ឬក៏សើចចំអកឲ្យខ្ញុំមកលើខ្ញុំ។ តែនេះមិនជាបញ្ហា អ្វីកើតឡើងក៏ដោយ មនុស្សគ្រប់គ្នាគេនឹងឲ្យតម្លៃជាងមុន "។
Cavalloបានចូលលើកតម្កើងសកម្មភាព LGBT (សិទ្ធអ្នកស្រលាញ់ភេទដូចគ្នា) ៦ឆ្នាំមកហើយ។ ខាងក្លឹបរបស់កីឡាកររូបនេះ ក៏បានគាំទ្រ និងទទួលយកពេញទំហឹងទោះគេជាមនុស្សស្រលាញ់ភេទដូចគ្នាក៏ដោយ៕