[Podcast] សប្ដាហ៍ទី១៦ ពីកម្មវិធី Starting Up ជួបជាមួយវាគ្មិន ២រូបបង្ហាញគន្លឹះជោគជ័យពីអាជីវកម្មរកសុីក្នុងវិស័យអបរំដូចគ្នា

2021-11-11 02:48:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្ត Starting Up សប្ដាហ៍នេះកាន់តែទទួលបានចំណេះដឹងថ្មីពីផ្នែកហិរញ្ញវត្ថុ និងការអប់រំ ដែលមានវាគ្មិនពិសេស ២រូបគឺដែលអ្នកស្រី ហេង ធីតា ជានាយកគ្រប់គ្រង MoneyTree Cambodia និងលោក ប៉ិច បូឡែន ជាអគ្គនាយកក្រុមហ៊ុន Westline Education Group ដែលនឹងរៀបរាប់ពីប្រវត្តិសហគ្រិនក្នុងវិស័យអប់រំទាំងពីររូប មានប្រវត្តិតស៊ូ ពុះពារច្រើនណាស់ ទម្រាំក្លាយជាអ្នកជំនួញដ៏ជោគជ័យ។

អ្នកស្រី ហេង ធីតា ធ្លាប់បានឆ្លងកាត់ការងារជាច្រើនមុនពេលក្លាយជានាយកគ្រប់គ្រងប្រចាំកម្ពុជា MoneyTree Cambodia ឈានមុខគេនៅអាសុី និងបានឈនចូលមកនៅកម្ពុជានៅឆ្នាំ២០១៦។ ប្រវត្តិការសិក្សាកន្លងមកអ្នកស្រី ហេង ធីតា បានបញ្ចប់អនុបណ្ឌិតជំនាញគ្រប់គ្រងពាណិជ្ជកម្ម មកពីសាកលវិទ្យាល័យ International University of Japan (IUJ) កាលពីឆ្នាំ២០០៤។ អ្នកស្រីធ្លាប់បានធ្វើការនៅធនាគារ ANZ Royal អស់រយ:ពេល ៧ឆ្នាំ និងបានផ្លាស់ប្ដូរមកធ្វើជានាយកគ្រប់គ្រងផ្នែកលក់ ប្រចាំនៅធនាគារ CIMB តាំងពីឆ្នាំ២០១១ ដល់ ឆ្នាំ២០២១។

លោក ប៉ិច បូឡែន បានចាប់ផ្ដើមការងារដាក់ពាក្យជាគ្រូបង្រៀនប៉ុន្តែមិនសូវទទួលជោគជ័យប៉ុន្មាននោះទេដោយសារធ្លាក់ជាច្រើនកន្លែងរហូតលោកដាច់ចិត្តដាក់ពាក្យសុំគេបង្រៀននៅសាលាចិនមួយដោយមិនយកប្រាក់។ ក្រោយមកលោកបានបង្រៀននៅមជ្ឈមណ្ឌលក្រុងញូវយ៉ក រហូតក្រោយមកលោកក្លាយជានាយកសាខាមួយនៅសាលាញូវយ៉កធីឡាយសាខាទឹករាំផ្ការាំ។ នៅឆ្នាំ២០០៨លោកចាប់ផ្ដើមប្រឡូកបើកសាលា Westlinទីមួយដោយខ្លួនឯង គិតមកទល់ពេលនេះសាលារបស់លោកបើកពង្រីកខ្លួនជាច្រើនសាខាក្នុងរយៈពេល ជាង១០ឆ្នាំរហូតក្លាយជាគ្រឹះស្ថានអប់រំធំមួយនៅកម្ពុជា។

ដូចនេះនៅក្នុងកម្មវិធី Starting Up សប្ដាហ៍ទី១៦ នេះអ្នកស្រី ហេង ធីតា និងលោក ប៉ិច បូឡែន នឹងឆ្លើយសំណួរជាច្រើនពីអ្នកសម្របសម្រួលកម្មវិធី គឺលោក ជី សិលា។ ដោយក្រៅពីឆ្លើយសំណួរវាគ្មិនទាំង ២រូបក៏បង្ហាញពីជីវប្រវត្តិមុនពេលចាប់ផ្ដើមប្រឡូករកសុី រួមជាមួយបញ្ហាជួបប្រទះ ក៏ដូចជាវិធីដោះស្រាយរកផ្លូវសម្រេចបានជោគជ័យដល់បច្ចុប្បន្ន៕

ចង់ដឹងច្បាស់ សូមស្ដាប់កម្មវិធី Starting Up សប្ដាហ៍ទី១៦ ទាំងស្រុង ដូចខាងក្រោមនេះ៖

Listen to "សហគ្រិនឆ្នើម២រូប ក្នុងវិស័យអប់រំ ចែករំលែកបទពិសោធល្អៗ | Starting Up EP16" on Spreaker.

អត្ថបទ៖ ម៉េងងី