សិស្សមធ្យមសិក្សាកូរ៉េខាងជើងម្នាក់ ត្រូវជាប់ពន្ធនាគារ១៤ឆ្នាំ ពីបទលួចមើលរឿង «The Man From Nowhere»

2021-12-02 04:45:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកលើបណ្ដាញផ្សព្វផ្សាយព័ត៌មានកូរ៉េខាងជើង Daily NK បានឲ្យដឹងថា សិស្សថ្នាក់មធ្យមសិក្សាម្នាក់ក្នុងទីក្រុង Hyesan ប្រទេសកូរ៉េខាងជើង ត្រូវបានគេចាប់ខ្លួន បន្ទាប់ពីលួចមើលរឿងកូរ៉េខាងត្បូង មានចំណងជើងថា «The Man From Nowhere»។

សេចក្ដីរាយការណ៍នៅបានបន្ថែមទៀតថា ដោយសារ ក្មេងម្នាក់នេះ មើលរឿងនេះទើបបាន ៥នាទីក៏ដោយ ក៏ត្រូវតែទទួលទោស ដោយជាប់ពន្ធនាគារហូតទៅដល់ ១៤ឆ្នាំ។ ចំណែកឯឪពុកម្ដាយរបស់ពួកគេក៏ត្រូវរងទណ្ឌកម្មដែរ ដោយគេសន្មតថាឃុបឃិត ល្មើសនឹងច្បាប់។ ចំពោះប្រាក់ពិន័យវិញគឺ តែ ១០០ ០០០វ៉ុន (ខ្ទង់៨៤,៥០ដុល្លារ) ទៅ ២០០ ០០០វ៉ុន (ខ្ទង់ ១៦៩ដុល្លារ) ប៉ុណ្ណោះ ប៉ុន្តែឪពុកម្ដាយក៏ត្រូវបញ្ជូនទៅពន្ធនាគារជាមួយនឹងកូនរបស់ពួកគេដែរ។

ជាក់ស្ដែងកាលពីឆ្នាំមុន ប្រទេសកូរ៉េខាងត្បូងបានអនុម័តច្បាប់ថ្មី មួយដែលមានឈ្មោះថា ច្បាប់ «Culture Rejection Act»។ យោងតាមគោលការណ៍ច្បាប់ថ្មី បានចេញថា ជនណាហ៊ានចែកចាយនូវការផ្សព្វផ្សាយទាំងអស់របស់កូរ៉េខាងត្បូង នោះគេនឹងត្រូវបានផ្ដន្ទាទោសប្រហារជីវិត ឬរងពិន័យ ទណ្ឌកម្មដល់ទៅ ១៥ឆ្នាំ។ ស្របពេលច្បាប់នេះមិនទាន់មានការបែងចែកច្បាស់លាស់ ពិសេសសម្រាប់ការដាក់ទណ្ឌកម្មចំពោះអនីតិជន និងមនុស្សពេញវ័យ ទើបមានព័ត៌មានថា អាជ្ញាធរកូរ៉េខាងជើង ជ្រើសចាត់វិធានការចំពោះសិស្សមធ្យមសិក្សាជាឧទាហរណ៍សិន ដើម្បីឲ្យឃើញនូវការរឹតបន្តឹងថាយ៉ាងណា។

ជាការពិត អ្នកណាក៏ដឹងដែរថា វិស័យភាពយន្តរបស់កូរ៉េខាងត្បូងមានភាពជោគជ័យកម្រិតណានៅទូទាំងពិភពលោក សូម្បីនៅកូរ៉េខាងជើង។ ដោយសារតែល្បីពេកបែបនេះ ទើបអាជ្ញាធរកូរ៉េខាងជើង កើតជាការភ័យខ្លាចប្រជាជនរបស់ខ្លួនលង់ខ្លួនកាន់តែខ្លាំង ទើបពួកគេបង្កើតច្បាប់រឹតបន្តឹងដាច់ខាតមិនឲ្យមានអ្នកល្មើសគាំទ្រអ្វីគ្រប់យ៉ាងរបស់កូរ៉េខាងត្បូងឡើយ៕

ប្រភព៖ Koreaboo ប្រែសម្រួល៖ យី សុធារី