ប្រធានបទថ្មី! កម្មវិធី Starting Up លោកស្រី ឌី វិច្ចរ៉ា បង្ហាញពីអាជីវកម្មសង្គមកែច្នៃផលិតផលក្នុងស្រុកចេញពីដូងទុំទៅជាប្រេងដូងបរិសុទ្ធ
- 2022-04-22 06:08:25
- ចំនួនមតិ 0 | ចំនួនចែករំលែក 0
ប្រធានបទថ្មី! កម្មវិធី Starting Up លោកស្រី ឌី វិច្ចរ៉ា បង្ហាញពីអាជីវកម្មសង្គមកែច្នៃផលិតផលក្នុងស្រុកចេញពីដូងទុំទៅជាប្រេងដូងបរិសុទ្ធ
ចន្លោះមិនឃើញ
លោកស្រី ឌី វិច្ចរ៉ា លោកស្រី ឌី វិច្ចរ៉ា បានបញ្ចប់ថ្នាក់បរិញ្ញាបត្រ ជំនាញគ្រប់គ្រងពាណិជ្ជកម្ម និងបញ្ចប់ថ្នាក់បណ្ដុះបណ្ដាលជំនាញ គ្រប់គ្រងផលិតកម្មប្រេងរុក្ខជាតិ។ លោកស្រី គឺជាស្ថាបនិកសិប្បកម្មផ្កាដូង គឺជាអាជីវកម្មសង្គមកែច្នៃផលិតផល ក្នុងស្រុកចេញពីដូងទុំទៅជាប្រេងដូងបរិសុទ្ធ ធ្វើជាផលិតផលថែរក្សាសម្រស់ និងជួយសុខភាពរាងកាយ។ អាជីវកម្មសង្គមផលិតផលក្នុងស្រុកនេះ ជួយការពារបរិស្ថាន និងជួយកាត់បន្ថយអ្នកចំណាកស្រុកបានច្រើន។
សិប្បកម្មផ្កាដូង គឺជាអាជីវកម្មសង្គមដែលបានបង្កើតឡើងនៅឆ្នាំ ២០១៨ ដោយលោកស្រី ឌី វិច្ចរ៉ា ជាមួយនឹងគោលបំណងជាចំណែកមួយក្នុងការបង្កើតឱកាសការងារក្នុងស្រុកកំណើតរបស់គាត់ ព្រមទាំងបង្កើនប្រាក់ចំណូលបន្ថែមដល់ប្រជាជន និងសហគមន៍។ តាមរយៈការទិញ ដូងទុំខ្មែរ និងទិញ ស្មុកខ្មែរដើម្បីផលិតជា ប្រេងដូងបរិសុទ្ធ និងការពារបរិស្ថាន។
នៅក្នុងកម្មវិធី Starting Up សប្ដាហ៍ថ្មីនេះប្រិយមិត្ត នឹងបានជួបជាមួយលោកស្រី ដែលបានបង្ហាញពីគន្លឹះកែច្នៃផលិតផល ក្នុងស្រុកចេញពីដូងទុំទៅជាប្រេងដូងបរិសុទ្ធ ថាតើលោកស្រីជួបការលំបាកបែបណាខ្លះ? មុនពេលសម្រេចបានជោគជ័យនៅពេលបច្ចុប្បន្ននេះ។ កុំភ្លេចរង់ចាំទស្សនា កម្មវិធី Starting Up សប្ដាហ៍ថ្មី ដោយជួបជាមួយនឹងលោកស្រី ឌី វិច្ចរ៉ា ស្ថាបនិកសិប្បកម្មផ្កាដូង ក្នុងកម្មវិធី Starting Up នៅថ្ងៃទី ២៣ ខែមេសា ឆ្នាំ ២០២២ នេះ វេលាម៉ោង ១០ព្រឹក នៅលើទំព័រហ្វេសប៊ុកផេកផ្លូវការរបស់កម្មវិធី Starting Upក៏ដូចជា channel YouTube "Sabay TV"និងស្ដាប់ជាសំឡេង Podcast "Starting Up"៕