Villarreal ហៅអាជ្ញាកណ្ដាលយប់មិញ ថានៅស្ទើរមិនសមកាត់ក្ដីប្រកួតសំខាន់
- 2022-05-04 03:39:11
- ចំនួនមតិ 0 | ចំនួនចែករំលែក 0
Villarreal ហៅអាជ្ញាកណ្ដាលយប់មិញ ថានៅស្ទើរមិនសមកាត់ក្ដីប្រកួតសំខាន់
ចន្លោះមិនឃើញ
លោក Fernando Roig Negueroles ប្រធានប្រតិបត្តិរបស់ក្លឹប Villarreal បានបង្ហាញការមិនពេញចិត្តជាមួយអាជ្ញាកណ្ដាលកាត់សេចក្ដីយប់មិញជាខ្លាំង ព្រោះលោកមើលឃើញចំណុចមិនសមរម្យច្រើន។
ក្នុងការប្រកួតនោះដែរ ក្រុម Villarreal បាននាំមុខ ២-០ នៅតង់ទី១ តែឈានដល់តង់ទី២ក្រុម Liverpool ក៏សម្រុកបាន៣គ្រាប់វិញ ធ្វើឱ្យចប់ការប្រកួត Villarreal ចាញ់ ២-៣ ហើយសរុបទាំងពីរជើងទី ២-៥ ឯណោះ។ ក្រោយពីចប់ការប្រកួតនៅវគ្គពាក់កណ្ដាលផ្ដាច់ព្រ័ត្រ UCL នេះទៅ លោក Negueroles បានចេញមកនិយាយចំៗឈ្មោះតែម្ដង។ លោក ចោទអាជ្ញាកណ្ដាល Makkelie ថាកាត់ក្ដីមិនសរម្យ ឬសមត្ថភាពនៅមានកម្រិតនៅឡើយ។
“វាជាការសម្រេចចិត្តពិន័យដ៏ហួសចិត្តមួយ។ អាជ្ញាកណ្ដាល មិនទាន់មានកម្រិតដល់សម្រាប់ការប្រកួតនេះទេ។ ខ្ញុំមិនឃើញការបកស្រាយណាមួយឱ្យសមហេតុផលឡើយ អាជ្ញាកណ្ដាលពិតជាអាក្រក់ណាស់។ វាមិនមែនជាលេសឡើយ ព្រោះពួកគេល្អជាងយើងហើយអាចឈ្នះច្រើនជាងនេះ ប៉ុន្តែអាជ្ញាកណ្ដាលនេះមិនទាន់ដល់ស្ដង់ដារសម្រាប់ពេលនេះឡើយ”៕