អ្នកគាំទ្រ United ហួសចិត្ត ពេលឮគ្រូថ្មី Ten Hag សរសើរ Maguire ជាកីឡាករល្អ
- 2022-05-25 07:10:19
- ចំនួនមតិ 0 | ចំនួនចែករំលែក 0
អ្នកគាំទ្រ United ហួសចិត្ត ពេលឮគ្រូថ្មី Ten Hag សរសើរ Maguire ជាកីឡាករល្អ
ចន្លោះមិនឃើញ
អ្នកចាត់ការថ្មី Erik ten Hag បាននិយាយសរសើរប្រធានក្រុមរបស់ Manchester United កីឡាករ Harry Maguire ធ្វើឲ្យអ្នកគាំទ្ររបស់ក្លឹបជាច្រើនហួសចិត្តនិងចោទជាសំនួរ។
អតីតអ្នកចាត់ការរបស់ក្លឹប Ajax ដែលនឹងស្នងតំណែងរបស់លោក Ralf Rangnick នៅ Old Trafford ក្នុងរដូវកាលនេះបានផ្ដល់កិច្ចសម្ភាសន៍ជាលើកដំបូង ហើយជាពិសេសបានលើកយកឈ្មោះ Maguire មកនិយាយ។ សាកសួរតើ Maguire នឹងបន្តជាប្រធានក្រុមទៀតយ៉ាងណា? លោក Ten Hag បានឆ្លើយថា៖ "រដូវកាលក្រោយគឺជារដូវកាលខុសគ្នា"។
បុរសសញ្ជាតិហុល្លង់បានបន្ថែមទៀតថា ខ្សែការពារសញ្ជាតិអង់គ្លេសខាងលើបានបំពេញភារកិច្ចយ៉ាងល្អ និងជាកីឡាករល្អម្នាក់សម្រេចបានច្រើនជាមួយការរួមចំណែកក្នុងក្លឹប Man Utd។ លោកកំពុងទន្ទឹងរងចាំក្នុងការធ្វើការជាមួយគេ។
ការនិយាយបែបនេះបានធ្វើឲ្យអ្នកគាំទ្រជាច្រើនកើតជាចម្ងល់ ដោយសារតែរដូវកាលមុន Maguire បង្ហាញទម្រង់លេងមិនល្អសោះ ខណៈដែលខ្លួនគឺជាប្រធានក្រុម។ បន្ទាប់ពីឮលោក Ten Hag សរសើរ Maguire មានអ្នកគាំទ្រម្នាក់បានបញ្ចេញមតិលើបណ្ដាញសង្គមថា៖ "បំពេញភារកិច្ចបានល្អ? កីឡាករល្អ? Maguire? តើ Ten Hag ស្រវឹងទេដឹង?។ ឯម្នាក់ទៀតបានលើកឡើងថា៖ "Ten Hag ចេញទៅ"។
Harry Maguire គឺជាខ្សែការពារដែលថ្លៃជាងគេលើលោកដែល United ទិញពី Leicester City ក្នុងតម្លៃខ្លួន៨០លានផោនកាលពីឆ្នាំ២០១៩។ ប៉ុន្តែរដូវកាលមុនទម្រង់លេងរបស់គេហាក់មិនសមនឹងតម្លៃខ្លួនសោះ ដោយសារតែគេតែងតែភ្លាត់ជារឿយៗលើទីលានធ្វើឲ្យអ្នកគាំទ្រខឹងចិត្តជាខ្លាំង៕