កៀកហើយ! Bayern ជិតយកបាន De Ligt ជាមួយតម្លៃខ្លួនដ៏ខ្ពស់មួយ
- 2022-07-18 02:32:03
- ចំនួនមតិ 0 | ចំនួនចែករំលែក 0
កៀកហើយ! Bayern ជិតយកបាន De Ligt ជាមួយតម្លៃខ្លួនដ៏ខ្ពស់មួយ
ចន្លោះមិនឃើញ
ក្លឹប Bayern Munich ត្រូវបានរាយការណ៍ថា យល់ព្រមលើកិច្ចព្រមព្រៀងតម្លៃខ្លួន៦៨លានផោនសម្រាប់ខ្សែការពាររបស់ Juventus កីឡាករ Matthijs de Ligt ដែលការផ្ទេររំពឹងនឹងបញ្ចប់នៅប៉ុន្មានថ្ងៃខាងមុខ។
ក្លឹបយក្សនៅ Bundesliga ត្រូវបានគេដឹងថាបានយល់ព្រមផ្ដល់កុងត្រារយៈពេល៥ឆ្នាំជាមួយ De Ligt ដែលធ្វើឲ្យខ្សែការពារសញ្ជាតិហុល្លង់រូបនេះនៅ Munich ដល់ឆ្នាំ២០២៧។ ក្រៅពី Bayern ក្លឹបនៅអង់គ្លេស Chelsea ក៏មានចំណាប់អារម្មណ៍ចង់បាន De Ligt ដូចគ្នា។
មួយរយៈមុន Chelsea បានព្យាយាមតាមទិញ De Ligt មករួមក្រុម ប៉ុន្តែពេលនេះដូចជាអស់ឱកាសហើយ និងកំពុងស្វែងរកគោលដៅថ្មីក្រោយក្លឹបទើបទិញបានខ្សែការពារ Koulibaly ពី Napoli។ De Ligt បានមកចូលរួមជាមួយ Juventus ក្នុងតម្លៃខ្លួន៦៧,៥លានផោនកាលពីឆ្នាំ២០១៩ ក្រោយបង្ហាញទម្រង់លេងល្អនៅ Ajax។
កីឡាករវ័យ២២ឆ្នាំបានបង្ហាញខ្លួនបាន១១៧ប្រកួតឲ្យក្រុមរហស្សនាម Old Lady និងរកបាន៨គ្រាប់ក្នុងរយៈពេល៣រដូវកាល។ ការមកដល់របស់ De Ligt នឹងជំនួសកន្លែងរបស់ Niklas Sule ដែលចាកចេញទៅកាន់ Dortmund៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
