ស្ដាប់ទៅចម្លែកប៉ុន្តែ មានមូលហេតុសមហេតុផលធ្វើឲ្យ ប្ដីប្រពន្ធជនជាតិជប៉ុននិយមដេកគ្រែបែកគ្នា
- 2022-09-26 06:30:00
- ចំនួនមតិ 0 | ចំនួនចែករំលែក 0
ស្ដាប់ទៅចម្លែកប៉ុន្តែ មានមូលហេតុសមហេតុផលធ្វើឲ្យ ប្ដីប្រពន្ធជនជាតិជប៉ុននិយមដេកគ្រែបែកគ្នា
ចន្លោះមិនឃើញ
នៅក្នុងប្រទេសជប៉ុន ស្វាមីភរិយាដែលរៀបការរួចមិនសូវជាដេកគ្រែជាមួយគ្នាឡើយ ដោយនេះមិនមែនមកពីបញ្ហាទំនាក់ទំនង ឬជម្លោះអ្វីនោះទេ។ ប៉ុន្តែវាបណ្ដាលមកពីកត្តាធំៗចំនួន៤ដូចខាងក្រោម៖
១. កាលវិភាគការងារខុសគ្នា
វាជាមូលហេតុចម្បងធំជាងគេសម្រាប់ប្ដីប្រពន្ធជនជាតិជប៉ុន។ ការដែលចូលផ្ទះយឺត ឬចេញទៅធ្វើការលឿនជាងគ្នា អាចបណ្ដាលឲ្យរំខានដល់ដំណេកដៃគូ ធ្វើឲ្យពួកគេគេងមិនគ្រប់គ្រាន់ ដែលជាហេតុបណ្ដាលឲ្យមានសុខភាពមិនសូវល្អ។
២. ម្ដាយត្រូវដេកជាមួយកូន
វាជារឿងសំខាន់ណាស់សម្រាប់ស្ត្រីជនជាតិជប៉ុន ដែលត្រូវគេងជាមួយកូន ដើម្បីមើលថែរក្សា និងធ្វើឲ្យការលូតលាស់របស់ក្មេងកាន់តែប្រសើរឡើង។ ចំណែកបុរសជាឪពុកច្រើនតែជ្រើសយកការគេងបែកបន្ទប់គ្នា។
៣. ការគេងបែកគ្នាមានន័យថាសេរីភាព
ខុសពីបណ្ដាប្រទេសដទៃ ជប៉ុនមើលឃើញថា ការគេងបែកបន្ទប់គ្នាមិនមែនជារឿងដែលអាចឈានទៅដល់ការលែងលះគ្នាទេ តែវាជាសេរីភាពនៅក្នុងការរស់នៅ ដោយគ្មានការរំខាន និងការគោរពដំណេករបស់ដៃគូ។
៤. ទម្លាប់ពីបុរាណកាល
ជាប្រពៃណីទៅហើយដែលជប៉ុននិយមប្រើពូកពិសេសម៉្យាងសម្រាប់គេង (គេហៅថា Shikibuton ឬក៏ Shiki Futon)។ ពូកនេះគឺគេងបានតែគ្នាម្នាក់ប៉ុណ្ណោះ ហើយងាយស្រួលទុកដាក់ និងមិនសូវស៊ីទំហំផ្ទះឡើយ៕