សហព័ន្ធកីឡាប៊ូល៖ ១២៧នាក់ប្រកួតជើងឯកថ្នាក់ជាតិនេះសុទ្ធតែជើងឯកលេខ១-២ តាមតំបន់

2022-10-15 06:47:11
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាប៊ូល និងប៉េតង់កម្ពុជា ព្រឹកមិញនេះបានបើកការប្រកួតជើងឯកថ្នាក់ជាតិ ២០២២ របស់ខ្លួនហើយនៅពហុកីឡដ្ឋានជាតិ ខណៈកីឡាករ កីឡាការិនីទាំង ១២៧នាក់ចូលរួមនេះសុទ្ធតែជើងខ្លាំងប្រចាំតំបន់ សមាគម ។

រូបភាពសហព័ន្ធ

ឯកឧត្ដម សុខ សប្បាយណា អគ្គលេខាធិការសហព័ន្ធបានឲ្យដឹងថា ការប្រកួតកីឡាប៊ូល និងប៉េតង់ជើងឯកថ្នាក់ជាតិ ឆ្នាំ២០២២ ក៏មិនខុសពីឆ្នាំមុនដែរ ពោលសហព័ន្ធបានផ្ដល់ការអនុញ្ញាតទៅកាន់តំបន់ទាំង៥ និង ៤ស្ថាប័នឲ្យរៀបចំការប្រកួតកីឡាប៊ូល និងប៉េតង់ ដើម្បីសម្រិតសម្រាំងជ្រើសរើសយកជយលាភីចំណាត់ថ្នាក់លេខ១ និងលេខ២ នៃវិញ្ញាសានីមួយៗ មកធ្វើការប្រកួតជើងឯកថ្នាក់ជាតិនៅរាជធានីភ្នំពេញ នាឱកាសនេះ។

ទិដ្ឋភាពព្រឹកមិញ

បញ្ជាក់ដែរថា ការប្រកួតជើងឯកថ្នាក់ជាតិនេះមានរយៈពេល ២ថ្ងៃគឺចាប់ពីថ្ងៃទី១៥ ដល់ ១៦ ខែតុលា ឆ្នាំ២០២២ នៅពហុកីឡដ្ឋានជាតិ។ ការប្រកួតនេះគឺមានកីឡាករ កីឡាការិនីសរុប ១២៧នាក់ មកពីសមាគម ក្លឹប១៧ និងលេងលើ ៥វិញ្ញាសាផ្សេងគ្នា៕