Arsenal នឹងទិញចូលបន្ថែមអ្នកចាំទីថ្មី

2023-08-09 12:29:25
ចំនួនមតិ 0 | ចំនួនចែករំលែក 0

ចន្លោះមិនឃើញ

Arsenal ជិតធ្វើបានសម្រេចក្នុងការផ្ទេរចូលអ្នកចាំទី David Raya ពីក្លឹប Brentford។ នេះបើការលើកឡើងរបស់ Fabrizio Romano។

យោងតាមប្រភពដដែល ទាំងភាគីក្លឹប Arsenal និងក្លឹប Brentford បានឯកភាពគ្នាហើយរឿងទិញ-លក់កីឡាករអេស្ប៉ាញវ័យ ២៧ ឆ្នាំ ហើយខាងកីឡាករក៏ចង់ចូលរួមជាមួយកាំភ្លើងធំដែរ។ សារព័ត៌មាន Guardian បានបញ្ជាក់ថា ការផ្ទេរកីឡាករអ្នកចាំទីរូបនេះ គឺមានតម្លៃប្រមាណ ៣០ លានផោន។

កីឡាករនឹងចុះកុងត្រារយៈពេលវែង គឺរហូតដល់ឆ្នាំ ២០២៨។ នៅសល់តែបញ្ហាលម្អិតមួយចំនួនទៀតប៉ុណ្ណោះ ដែលត្រូវបាន និងកំពុងចរចាគ្នារវាងភាគីពាក់ព័ន្ធ។ បើមិនមានអ្វីប្រែប្រួលទេ ការប្រកាសជាផ្លូវការ នឹងត្រូវធ្វើឡើងនាពេលឆាប់ៗ។

បើការវិភាគរបស់ Guardian ការផ្ទេរចូលអ្នកចាំទីក្នុងតម្លៃថ្លៃនេះ អាចជាយុទ្ធសាស្ត្ររបស់ Arsenal ក្នុងការត្រៀមសម្រាប់ការប្រកួតជាច្រើនដែលក្លឹបត្រូវលេងនៅរដូវកាល ២០២៣/២០២៤ ដែលនឹងចាប់ផ្ដើមនាពេលខាងមុខនេះ ព្រោះថា Raya គឺជាអ្នកចាំទីល្អ ហើយពូកែបញ្ជូនបាល់ទៀតផង ដែលចូលរួមជួយបង្កើនគុណភាពបន្ថែមទៀតឲ្យក្រុម។ ណាមួយ គឺក្លឹបអាចចង់ផ្ដល់ការប្រកួតប្រជែងសម្រាប់អ្នកចាំទី ដៃទីមួយបច្ចុប្បន្ន Aaron Ramsdale ឬក៏ត្រៀមបម្រុងសម្រាប់ករណីដែល Ramsdale មានរបួស៕

ប្រភព៖ theguardian អត្ថបទ៖ សេរី មង្គល