អ្នកឆ្លងឆ្នាំនៅសៀមរាប ដឹងតែសម្រុកទៅថតរូបនៅសួនផ្កាដ៏ធំនៅស្រុកសូទ្រនិគម! ហើយនេះគឺជាតម្លៃចូលទស្សនា
- 2023-12-28 02:49:24
- ចំនួនមតិ 0 | ចំនួនចែករំលែក 0
អ្នកឆ្លងឆ្នាំនៅសៀមរាប ដឹងតែសម្រុកទៅថតរូបនៅសួនផ្កាដ៏ធំនៅស្រុកសូទ្រនិគម! ហើយនេះគឺជាតម្លៃចូលទស្សនា
ចន្លោះមិនឃើញ
ខេត្តសៀមរាប ជាពិសេសគឺក្នុងស្រុកសូទ្រនិគម មានកន្លែងទាក់ទាញទេសចរដ៏មានសក្តានុពលមួយទៀតហើយបន្ទាប់ពីពិភពបាតសមុទ្រ គឺសួនផ្កា Angkor Wonder Garden ដែលទើបតែបើកដំណើរការសាកល្បងនៅថ្ងៃទី២៧ ខែធ្នូ ឆ្នាំ២០២៣។
សួនផ្កាដ៏ធំល្វឹងល្វើយដែលមានរាងជាផ្ការំដួលនេះ ស្ថិតក្នុងភូមិគោកចាន់ ឃុំដានរុន ស្រុកសូទ្រនិគម ខេត្តសៀមរាប ដែលមានចម្ងាយពីក្រុងសៀមរាប ប្រមាណ ២៧គីឡូម៉ែត្រ។ ផ្លូវចូលទល់មុខសាលាឃុំខ្ចាស់ ដោយចូលទៅក្នុងប្រហែល ៦០០ម៉ែត្រ។
បើតាមវីដេអូបទយកការណ៍របស់ AKP បានឱ្យដឹងថា សួនផ្កានេះ ចំណាយពេលសាងសង់រយៈពេល ១ឆ្នាំ លើផ្ទៃដី ៧ហិកតា វិនិយោគដោយកូនខ្មែរនៅសៀមរាប សហការជាមួយជនបរទេស។ សួនផ្កានេះ មានផ្កាចម្រុះពណ៌ ៨ប្រភេទ ហើយនឹងគ្រោងដាំបន្ថែមច្រើនប្រភេទទៀត និងរៀបចំឱ្យកាន់តែស្អាតជាងនេះ។
បើតាមផេក «Angkor Wonder Garden» ឱ្យដឹងថា តម្លៃចូលទស្សនាសម្រាប់មនុស្សធំ ៧ដុល្លារ និងកូនក្មេង ៤ដុល្លារ។ យ៉ាងណាមិញ ការបើកសាកល្បងនឹងធ្វើឡើងរហូតដល់ថ្ងៃទី២០ ខែមេសា ឆ្នាំ២០២៤ ហើយគ្រោងនឹងបើកដំណើរការម្តងទៀតនៅខែវិច្ឆិកា ឆ្នាំ២០២៤៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB