នៅក្នុងរបាយការណ៍ផ្លូវការកាលពីពេលថ្មីៗដោយ សារព័ត៌មាន Sports Daily បានបង្ហាញពីសកម្មភាពការងារនាពេលខាងមុខរបស់ Jeon Hye Jin ភរិយារបស់តារាសម្តែង Lee Sun Kyun ដែលបានលាចាកលោកកាលពីចុងឆ្នាំ ២០២៣។ ស្របពេលផ្លូវចិត្តពុំទាន់ស្រួលនៅឡើយក៏ពិតមែន ប៉ុន្តែមានការរំពឹងទុកជាច្រើនទាក់ទងនឹងការវិលត្រឡប់របស់ Jeon Hye Jin ជាពិសេសទាក់ទងនឹងគម្រោងសម្តែងនាពេលខាងមុខ។

តាមអ្វីដែលសារព័ត៌មាន​ខាងលើបានចេញផ្សាយ គឺរឿង "Mission: Cross" ដែលត្រូវបានពន្យារក្នុងការចាក់ផ្សាយលើកមុននោះ បន្ទាប់ពីមរណភាពរបស់ Lee Sun Kyun នោះ នឹងត្រូវ​ចេញផ្សាយជាថ្មីនៅក្នុងពេល​ឆាប់ៗ។

Mission: Cross នឹងក្លាយទៅជាភាពយន្តបែប Action ដ៏ទាក់ទាញ ដែលជាសាច់រឿងរបស់អតីតភ្នាក់ងារបានប្រែក្លាយស្ត្រីមេផ្ទះជើងចាស់។ Kang Moo (សម្តែងដោយ Hwang Jung Min) បានលាក់បាំងអតីតកាលរបស់ខ្លួនពីប្រពន្ធរបស់លោក។ សាច់រឿងកាន់តែក្ដៅ ស្របពេលអ្នកស៊ើបអង្កេតជើងខ្លាំង Mi Sun (សម្ដែងដោយ Yum Jung Ah) បកអាក្រាតអាថ៌កំបាំងរបស់ស្វាមីនាងខុស ដែលនាំឲ្យមានរឿងរ៉ាជាប់ពាក់ព័ន្ធជាច្រើន។ ភាពយន្តនេះបានបង្កើតសាច់រឿងមិនធម្មតា ថែមទាំងប្រមូលផ្ដុំទៅដោយតួសម្តែងល្បីៗ រួមទាំងការសម្តែងគួរឱ្យកត់សម្គាល់ដែលរំពឹងទុកពី Jeon Hye Jin និង Jung Man Sik ផងដែរ។

ជាងនេះទៅទៀត ការផ្សព្វផ្សាយជាច្រើន រួមទាំងផ្ទាំងរូបភាព និងឈុតខ្លីៗនៃការចាប់ផ្តើម បានទាក់ទាញចំណាប់អារម្មណ៍របស់សាធារណជនរួចហើយ។ ឈុតខ្លីៗដែលបង្ហាញពីឈុតឆាកប្រយុទ្ធកាំភ្លើងដ៏រំភើបរវាង Hwang Jung Min និង Yum Jung Ah រំលេចនូវយុទ្ធសាស្ត្រផ្នែកបច្ចេកវិទ្យារដ៏ខ្លាំងក្លារបស់អ្នកដឹកនាំ។

ទន្ទឹមនឹងនេះ ការអាប់ដេតនេះលើការខិតខំប្រឹងប្រែងប្រកបការងាររបស់ Jeon Hye Jin ជាពិសេសការចូលរួមរបស់នាងនៅក្នុងរឿង Mission: Cross ផ្តល់នូវការមើលឃើញពីភាពអត់ធ្មត់ និងការលះបង់របស់នាងចំពោះការងារងចំពេលខ្លួនកំពុងមានទុក្ខជាទម្ងន់៕

ប្រភព៖ Koreaboo   អត្ថបទ៖ ធារី