ក្រោយចាញ់ឆ្នោត ២ដង ទីបំផុត លោក Parbowo អាចឈ្នះឆ្នោតក្លាយជាប្រធានាធិបតីឥណ្ឌូនេស៊ីថ្មី

2024-02-14 13:33:19
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ប្រាបូវ៉ូ ស៊ូប៊ីយ៉ាន់តូ (Prabowo Subianto) អាចនឹងក្លាយជាប្រធានាធិបតីថ្មីរបស់ប្រទេសឥណ្ឌូនេស៊ី ក្រោយពីលោកបាននាំមុខនៅលទ្ធផលក្រៅផ្លូវការនៃការបោះឆ្នោតថ្នាក់ប្រធានាធិបតីនៅថ្ងៃអង្គារនេះ។

ប្រទេសឥណ្ឌូនេស៊ីជាប្រទេសសាធារណរដ្ឋនិយមប្រធានាធិបតី។ ប្រធានាធិបតីប្រទេសនេះមានអាណត្តិ ៥ឆ្នាំ ហើយអាចឈរឈ្មោះបាន ២ដង។ ប្រធានាធិបតីដែលនឹងចេញពីតំណែងគឺ លោក ចូកូ វីដូដូ ឬ ហៅថា ចូកូវី។ លោក ចូកូវី បានឈ្នះឆ្នោត២ដង ហើយដឹកនាំប្រទេសអាស៊ីអាគ្នេយ៍ដីកោះមួយនេះបាន ១០ឆ្នាំ ចាប់តាំងពីឆ្នាំ២០១៤មក។

លោក ប្រាបូវ៉ូ ជាកូនប្រសារលោក ស៊ូហារតូ ដែលជាប្រធានាធិបតីបែបយោធាឥណ្ឌូនេស៊ីចាប់ពីឆ្នាំ១៩៦៧ ដល់ឆ្នាំ១៩៩៧។

តាមពិតទៅ លោកប្រាបូវ៉ូ បានឈរឈ្មោះធ្វើជាប្រធានាធិបតីនៅឆ្នាំ២០១៤ និងឆ្នាំ២០១៩ផងដែរ តែលោកបានចាញ់លោក ចូកូវី ទាំងពីរដង។ នៅឆ្នាំ២០១៩ ក្នុងរដ្ឋការលោក ចូកូវី លោក ប្រាបូវ៉ូ ត្រូវបានតែងតាំងជារដ្ឋមន្ត្រីការពារជាតិ។

នៅការបោះឆ្នោតឆ្នាំ២០២៤ លោកប្រាបូវ៉ូ អាចនឹងក្លាយជាប្រធានាធិបតីបន្ទាប់ពីលោក ចូកូវី ក្រោយពេលដែលលោកទទួលបានសម្លេងឆ្នោតជាង ៦០% នៃសម្លេងឆ្នោតដែលរាប់រួចបាន ៨០%។ ក្នុងឆ្នាំនេះដែរ លោកបានឈរឈ្មោះជាប្រធានាធិបតី ស្របពេលដែលកូនប្រុសលោក ចូកូវី លោក ជីប្រាន់ រ៉ាកាប៊ូមីង (Gibran Rakabuming) បានឈរឈ្មោះជាអនុប្រធានាធិបតីទន្ទឹមជាមួយលោក។

នៅឆ្នាំ២០២៤នេះ ឥណ្ឌូនេស៊ីមានបេក្ខភាពប្រធានាធិបតី ៣រូប រួមមាន លោក ប្រាបូវ៉ូ លោក អានីស បាសវេដាន (Anies Baswedan) អភិបាលក្រុងហ្សាការតា និងលោក ហ្គាន់ចា ប្រាណូវ៉ូ (Ganjar Pranowo) អភិបាលក្រុងជ្វាកណ្ដាល៕

ប្រភព៖ ABC.net អត្ថបទ៖ សេរី មង្គល

ពាក្យទាក់ទង

Knowledge

អត្ថបទពេញនិយម

យុវជនចាប់អារម្មណ៍ចូលរៀនវគ្គខ្លីៗកាន់តែច្រើន បន្ថែមលើជំនាញសិក្សាតាមសាលា

រឿងប្លែកជាងគេដើមឆ្នាំ២០២៥! អ្នកកាសែតម្នាក់ ដឹកមីនតោន ប្រគល់ឲ្យសមត្ថកិច្ចប៉ុស្ដិ៍ ត្រូវឃាត់ខ្លួន

ព្រះអាទិត្យ សប្បនិម្មិត របស់ចិន សម្រេចបានកំណត់ត្រាថ្មី ដើម្បីឈានទៅបង្កើត ថាមពលស្អាត

ចំនួនក្រយៅដៃប្រាប់ពី ជោគលាភល្អឬមិនល្អ

ខឹងចាញ់ជើងទី១ Liverpool ដាក់ Spurs ៤-០ វិញដើម្បីឡើងទៅវគ្គផ្ដាច់ព្រ័ត្រ League Cup

ស្ថាប័នធំៗ ៣ បានកោះប្រជុំ ដើម្បីអប់រំណែនាំព្រមគ្នាដល់អ្នកលក់ឡេ មានងារជាឧកញ៉ា Love Riya

អត្ថបទថ្មី

ខឹងចាញ់ជើងទី១ Liverpool ដាក់ Spurs ៤-០ វិញដើម្បីឡើងទៅវគ្គផ្ដាច់ព្រ័ត្រ League Cup

អង្គការក្រៅរដ្ឋាភិបាលបារាំង TOUTES À L'ÉCOLE / HAPPY Chandara ចាប់ដៃគូជាមួយ OCIC GROUP ដើម្បីជួយដល់កុមារីដែលកំពុងខ្វះខាត

កម្មវិធី Born for Greatness បើកការដេញថ្លៃសំងាត់ដើម្បីគាំទ្រទៅដល់សាលា Tiny Toones ដែលផ្តល់ការគាំទ្រ និងការការពារដល់កុមារដែលមានហានិភ័យ តាមរយៈសិល្បៈ

ធនាគារ ABA និងក្រសួងពាណិជ្ជកម្ម ដាក់ឲ្យប្រើប្រាស់ផ្លែតហ្វមទូទាត់អនឡាញសម្រាប់ប្រព័ន្ធតម្កល់លិខិតជូនដំណឹងនៃប្រតិបត្តិការដែលមានកិច្ចធានា

ជិះកាត់តាខ្មៅ កុំភ្លេចទៅទទួលកញ្ចប់ពិសេសពីបុរីភ្នំពេញថ្មី គម្រោងតាខ្មៅសិនត្រស់ផាក ចាប់ពីចុងសប្ដាហ៍នេះ