Ronaldo រងពិន័យមិនឲ្យចូលរួម២ប្រកួត និងត្រូវបង់សំណងជាទឹកប្រាក់

2024-04-09 11:20:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Crisitano Ronaldo ត្រូវបានទទួលកាតក្រហមក្នុងប្រកួតក្លឹប Al Nassr នឹងក្លឹប Al Hilal ក្របខ័ណ្ឌ Saudi Super Cup នៅក្នុងថ្ងៃនេះនូវលទ្ធផល ១-២ ដែលត្រូវរងពិន័យជាសាច់ប្រាក់ប្រមាណ ៥,៤០០ដុល្លារ និងមិនអនុញ្ញាតឲ្យចូលរួម ២ប្រកួត។

មូលហេតុដែលធ្វើឲ្យមានរឿងរ៉ាវនេះកើតឡើងគឺដោយសារកីឡាករនេះបានប្រើកែងដៃរងក្នុងសកម្មភាពប៊ិះយាទៅវៃ ខ្សែការពារ Ali Albulayhi ក្នុងពេលប្រទាញប្រទង់យកបាល់ពីគ្នាទៅវិញទៅមក។

Ronaldo ត្រូវបានអាជ្ញាកណ្ដាលបញ្ជូនចេញពីទីលានប្រកួតនៅនាទីទិ៨៦ ក្រោយប្រព្រឹត្តិសកម្មភាពបែបនេះ។ ទោះជាមានការតវ៉ាយ៉ាងណាក៏ដោយក៏ទង្វើរបស់ Ronaldo ត្រូវបានគេមើលឃើញជាក់ស្ដែងថាពិតជាមើលទៅឃើញថាមានចេតនាយាកែងដៃក្នុងចេតនាចង់កីឡាករ Al Hilal នេះមែន។

Ronaldo ទើបត្រលប់មកប្រកួតវិញមិនទាន់បានប៉ុន្មានផង ដោយសារតែលើកមុនគេក៏ទទួលបានកាតក្រហមផងដែរ ក៏ដូចជាពិន័យជាទឹកប្រាក់ប្រហាក់ប្រហែលគ្នាផងដែរ ក្រោយធ្វើសកម្មភាពមិនសមរម្យក្រោយអ្នកចូលរួមទស្សនាស្រែកគាំទ្រ Lionel Messi ដើម្បីចំអករូបគេ៕

ប្រភព៖ Goal អត្ថបទ៖ សេរី មង្គល