សំណង់ការពារច្រាំងទន្លេប្រវែង ១២០០ម៉ែត្រ នៅក្រុងសំពៅពូន ខេត្តកណ្តាល នឹងសង់រួចត្រឹមខែសីហាខាងមុខ
- 2024-06-10 08:11:03
- ចំនួនមតិ 0 | ចំនួនចែករំលែក 0
សំណង់ការពារច្រាំងទន្លេប្រវែង ១២០០ម៉ែត្រ នៅក្រុងសំពៅពូន ខេត្តកណ្តាល នឹងសង់រួចត្រឹមខែសីហាខាងមុខ
ចន្លោះមិនឃើញ
ក្រសួងធនធានទឹក និងឧតុនិយម បានឱ្យដឹងថា វឌ្ឍនភាពការងារសាងសង់សំណង់ការពារច្រាំងទន្លេបាសាក់ប្រវែង ១២០០ម៉ែត្រ ស្ថិតក្នុងភូមិសាស្ត្រសង្កាត់ព្រែកជ្រៃ ក្រុងសំពៅពូន ខេត្តកណ្តាល គិតមកដល់ថ្ងៃទី៦ ខែមិថុនា ឆ្នាំ២០២៤ សម្រេចបានប្រមាណ ៩០% ដែលគ្រោងនឹងបញ្ចប់ការសាងសង់ក្នុងដំណាច់ខែសីហា ឆ្នាំ ២០២៤ខាងមុខនេះ។
ការងារដែលសម្រេចបានរួមមាន៖
ទី១)ការងាររៀបបាវការពារចរន្តទឹកបុក ហូរច្រោះដីផ្នែកខាងក្រោមសម្រេចបាន១០០%
ទី២)ការងារបុកស្ពាន់ផាយសម្រេចបាន១០០%
ទី៣)ការងារបុកស៊ីតផាយសម្រេចបាន១០០%
ទី៤)ការងារបេតុងអាមេសម្រេចបាន៨០%
ទី៥)ការងាររៀបប្រព័ន្ធដោះទឹកក្រោមដីសម្រេចបាន៨០%
ទី៦)ការងារបំពេញដីសម្រេចបាន៩៨%
និងទី៧)ការងារបន្ទាប់នឹងរៀបចំថ្មមុខសំណង់។
គួរបញ្ជាក់ថា ច្រាំងទន្លេបាសាក់ដែលស្ថិតនៅបរិវេណបង្គោលព្រំដែនលេខ២៤៥/៤(១)នេះ ត្រូវបានហូរច្រោះដោយចរន្តទឹកទន្លេបាសាក់ហូរបុក។ ជាដំណោះស្រាយបន្ទាន់ ក្រសួងធនធានទឹក និងឧតុនិយម បានធ្វើការការពារបណ្តោះអាសន្នក្នុងប្រវែង ១៥០ម៉ែត្រ ក្នុងអំឡុងខែសីហា ឆ្នាំ២០១៩។ ជាបន្ត ក្រុមការងារបច្ចេកទេសនៃនាយកដ្ឋានជលសាស្ត្រ និងការងារទន្លេបានធ្វើការសិក្សាបច្ចេកទេសលំអិតបន្ថែមរហូតដល់ខែមេសា ឆ្នាំ២០២៣ និងបានបន្តសាងសង់សំណង់ច្រាំងទន្លេបាសាក់នេះ ជាសំណង់រឹងតែម្តង៕