មកស្គាល់កីឡាករវ័យក្មេង និងចំណាស់ជាងគេចូលរួមប្រកួត Euro 2024
- 2024-06-17 14:15:07
- ចំនួនមតិ 0 | ចំនួនចែករំលែក 0
មកស្គាល់កីឡាករវ័យក្មេង និងចំណាស់ជាងគេចូលរួមប្រកួត Euro 2024
ចន្លោះមិនឃើញ
ព្រឹត្តិការណ៍ UEFA Euro 2024 បានប្រព្រឹត្តទៅនៅប្រទេសអាល្លឺម៉ង់ដោយបានធ្វើការចាប់ផ្ដើមពីថ្ងៃទី១៥ ខែមិថុនា ឆ្នាំ២០២៤នេះ នឹងទៅបញ្ចប់ទៅវិញនៅថ្ងៃទី១៥ កក្កដា ឆ្នាំ២០២៤។ យ៉ាងណាអត្ថបទនេះនឹងនាំប្រិយមិត្តមកដឹងពីកីឡាករដែលមានវ័យក្មេងជាងគេ និងចំណាស់ជាងគេ ដែលចូលរួមមហាព្រឹត្តិការណ៍មួយនេះ។
ខ្សែការពារ Pepe ជាកីឡាករដែលមានវ័យចំណាស់បំផុតដែលបានចូលរួមការប្រកួត Euro 2024 នេះ។ នៅក្នុងខណៈនេះកីឡាករនេះមានវ័យ៤១ឆ្នាំហើយ ដោយមានតម្លៃខ្លួន ៥០០,០០០អ៊ឺរ៉ូ។
កីឡាករនេះបានមកលេងឲ្យក្រុមជម្រើសជាតិព័រទុយហ្គាល់ពីឆ្នាំ២០០៧មក ដោយចូលលេងបាន ១៣៨ប្រកួត និងស៊ុតចូល៨គ្រាប់។ នេះជាលើកទី៥ហើយ ដែលកីឡាករនេះបានចូលលេងប្រកួត Euro ដោយគេបានចូលលេងប្រកួត Euro ដំបូងនៅឆ្នាំ២០០៨។ ក្នុងការប្រកួត Euro នេះ គេចូលលេងបាន ១៩ប្រកួត និងស៊ុតចូល២គ្រាប់។ កីឡាករនេះធ្លាប់ឈ្នះពាន Euro នេះជាមួយជម្រើសជាតិកាលពីឆ្នាំ២០១៦។
សម្រាប់កីឡាករដែលមានវ័យក្មេងជាងគេដែលចូលលេងប្រកួត Euro 2024 នេះគឺ ខ្សែប្រយុទ្ធ Lamine Yamal ដែលមានវ័យ១៦ឆ្នាំ។ នៅក្នុងខណៈនេះ គេមានតម្លៃខ្លួន ៩០លានអ៊ឺរ៉ូ។ កីឡាករនេះបានចូលលេងឲ្យក្រុមជម្រើសជាតិអេស្ប៉ាញតាំងពីឆ្នាំ២០២៣ ចូលលេងបាន៨ប្រកួត និងស៊ុតចូល២គ្រាប់។ ដូច្នេះនេះជាលើកទី១ហើយ ដែលគេបានចូលលេង Euro។
ខាងក្រោមនេះជាស្ថិតិដែលកីឡាករមានវ័យក្មេងជាងគេ និងចាស់ជាងគេទាំង១០រូប ក្នុងប្រកួត Euro 2024 នេះពី Transfermarkt៖