លោក អេ ភូថង៖ ស្រុកខ្មែរគីឡូ៥៧ បឺត សង្ឃឹម ល្អស៊ីដាច់គេហើយ

2024-09-02 04:32:09
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់ល្បីឈ្មោះ និងជាអ្នកបណ្ដុះធនធានគុនខ្មែរជាច្រើនគឺលោក អេ ភូថង ថាសម្រាប់បច្ចុប្បន្ននេះគីឡូ៥៧ ស្រុកខ្មែរល្អហើយស៊ីដាច់គេនោះគឺ បឺត សង្ឃឹម គ្មានអ្នកណាវាយកីឡាកររូបនេះឈ្នះឡើយខ្លាចតែរូបគេមិនវាយប៉ុណ្ណោះ។

លោក អេ ភូថង

ថ្លែងក្នុងកិច្ចសម្ភាសមួយលោក អេ ភូថង បាននិយាយចំៗ និងគ្មានសង្ស័យអីបន្តិចសោះឡើយគឺថាស្រុកខ្មែរលើទម្ងន់ ៥៧គីឡូក្រាមនេះ បឺត សង្ឃឹម ស៊ីដាច់គេហើយគ្មាននរណាវាយឈ្នះរូបគេឡើយ។ បឺត សង្ឃឹម ជាកីឡាករល្អភ្នែក និងល្អចង្កេះ ចង្វាក់នេះពិបាកសម្រាប់ដៃគូយកឈ្នះលើរូបគេណាស់។ ក្នុងករណីចាញ់អាចមកពី បឺត សង្ឃឹម មិនវាយនៅទឹកទី ១-២ បណ្ដោយឲ្យដៃគូវាយមុនហើយខូចប៉ុណ្ណោះ។

បញ្ជាក់ដែរថា បឺត សង្ឃឹម ជាកូនសិស្សលោក សេន ប៊ុនថេន នៃក្លឹបប្រដាល់ប៉ែនកាក់គុនខ្មែរ។ បច្ចុប្បន្ននេះរូបគេកំពុងមានកេរ្តិ៍ឈ្មោះល្បីជាខ្លាំងលើប្រភេទទម្ងន់ ៥៧គីឡូក្រាមនេះរាល់ការប្រកួតកម្រចប់ទឹកណាស់ពិសេសថ្មីៗនេះទើបឈ្នះរង្វាន់ឡាន១គ្រឿងទៀតផងបន្ទាប់ពីផ្ដួលដៃគូឲ្យសន្លប់ទាំងពីរប្រកួត៕