កម្មវិធីទូរទស្សន៍ពិភពលោកដ៏ពេញនិយមទាំង១០

2014-11-28 00:05:43
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកចូលចិត្តទស្សនាកម្មវិធីនៅលើកញ្ចក់ទូរទស្សន៍ អាចស្គាល់កម្មវិធីកម្សាន្តលំដាប់ថ្នាក់ពិភពលោក ដែលមានប្រទេសមួយចំនួនផ្សេងទៀត បានទិញអាជ្ញាប័ណ្ណ យកទៅធ្វើបន្តក្នុងប្រទេសរបស់ខ្លួន។ ការបង្កើតកម្មវិធីទូរទស្សន៍លំដាប់ថ្នាក់ពិភពលោក រហូតមានគេសុំទិញសិទ្ធិ និងទទួលលទ្ធផលផ្លែផ្កា មិនមែនរឿងងាយនោះទេ ទាល់តែអាចទាមទារការចាប់អារម្មណ៍ខ្លាំងពីទស្សនិកជនក្នុង និងក្រៅប្រទេសដែរ។ ជាពិសេសមានប្រទេសផ្សេងទៀត ចង់បង្កើតកម្មវិធីដូចគ្នានេះដែរ ក្នុងប្រទេសរបស់ពួកគេ។

កម្មវិធីរាប់រាយ កំពុងចាក់ផ្សាយលើកញ្ចក់ទូរទស្សន៍បរទេស ប៉ុន្តែមានតែ ១០ កម្មវិធីប៉ុណ្ណោះ ទទួលបានការគាំទ្រ និងពេញនិយមបំផុត៖

១. Who Wants To Be A Millionaire៖ កម្មវិធីនេះ មានបំណងផ្ដល់ឱកាសដល់អ្នកណាមានក្ដីសុបិនចង់ក្លាយជាអ្នកមាន ដោយគ្រាន់តែធ្វើការឆ្លើយសំនួរជាបន្តបន្ទាប់។ កម្មវិធីនេះលេចរូបរាងដំបូងបំផុតនៅអង់គ្លេស កាលពីឆ្នាំ ១៩៩៨។ មកទល់ពេលនេះ មានជាង ៣៥ ប្រទេស ដែលបានបង្កើតកម្មវិធីនេះដូចគ្នា រួមទាំងកម្ពុជាផងដែរ។

២. Big Brother៖ កម្មវិធីនេះបង្កើតដំបូងបំផុត នៅក្នុងប្រទេសហុឡង់ដ៍ តាំងពីឆ្នាំ ១៩៩៩ ហើយភាគច្រើននៃអ្នកដាក់ពាក្យចូលលេង សុទ្ធតែតារាល្បីៗ។

៣. Idol Series ៖ ជាកម្មវិធីប្រលងចម្រៀង ដើម្បីរកអ្នកមានសំឡេងពីរោះ ហើយកម្មវិធីនេះ ត្រូវបានបង្កើត និងចាក់ផ្សាយដំបូងនៅអង់គ្លេស ដែលមានឈ្មោះថា "Pop Idol"។

៤. Top Model Series៖ ជាកម្មវិធីទូរទស្សន៍ស្វែងតារាបង្ហាញម៉ូដ ដែលធ្វើឡើងដំបូងគេនៅសហរដ្ឋអាមេរិក ចាប់តាំងពីឆ្នាំ ២០០៣ មកម្ល៉េះ។

៥. Got Talent Series ៖ ជាកម្មវិធីទូរទស្សន៏ដ៏ល្បី ដែលគេបង្កើតឡើង ដើម្បីស្វែងរកអ្នកមានទេពកោសល្យប្លែកៗនៅជុំវិញពិភពលោក។ កម្មវិធីនេះ រៀបចំធ្វើឡើងដំបូងនៅអាមេរិក ដែលមានឈ្មោះថា "America’s Got Talent" កាលពីឆ្នាំ ២០០៦។

៦. Fear Factor ៖ ជាកម្មវិធីប្លែក និងរន្ធត់បុកពោះ តាមរយៈការតម្រូវឲ្យបេក្ខជនលេងល្បែងញាប់ញ័រមិនធ្លាប់ជួបប្រទះកាលពីពេលកន្លងមក។ កម្មវិធីនេះបង្ហាញខ្លួនដំបូងនៅលើទឹកដីអាមេរិកកាលពីឆ្នាំ ២០០១។

៧. MasterChef ៖ ជាកម្មវិធីធ្វើម្ហូបដ៏ធំមួយ ក្នុងចំណោមកម្មវិធីធ្វើម្ហូបផ្សេងទៀត ដែលអាចផ្ដល់ឱកាសដល់បេក្ខជនសម្រេចគោលបំណងជាចុងភៅចំណាន។ កម្មវិធីនេះ រៀបចំធ្វើឡើងនៅអាមេរិក ចាប់តាំងពីឆ្នាំ ១៩៩០ រហូតដល់ ឆ្នាំ ២០០១។ ប៉ុន្តែ MasterChef បានបាត់ខ្លួនមួយរយៈពេល ហើយមកដល់ឆ្នាំ ២០០៥ អង់គ្លេសបានយកកម្មវិធីនេះ មកធ្វើសារជាថ្មីឡើងវិញ។

៨. Popstars ៖ ជាកម្មវិធីប្រលងច្រៀង និងរាំលើឆាកតន្ត្រីពិតៗ ។ កម្មវិធីនេះ ប្រព្រឹត្តឡើងដំបូងគេនៅប្រទេសញូវែលសេឡង់ ចាប់តាំងពីឆ្នាំ ១៩៩៩។

៩. The Apprentice ៖ កម្មវិធីនេះផ្ដល់ឱកាសដល់បេក្ខជន ចង់ចាប់យកអាជីពណាដែលសក្ដិសម និងអាចសម្រេចភាពជោគជ័យក្នុងជីវិត ហើយរៀបចំធ្វើឡើងដំបូងនៅអាមេរិកកាលពីឆ្នាំ ២០០៤។ ១៣ រដូវកាល ជួបជាមួយលោក Donald Trump និង មួយរដូវកាលជួបជាមួយ លោក Martha Steward ។